تاثیر،۱۶مارچ ۲۰۲۴:- ایس -ایم- حسن
ممبئی، 15 مارچ: پونے شہر کے گنگادھام علاقے میں واقع ایک گیراج میں جمعہ کی صبح تقریباً 3 بجے اچانک آگ لگنے سے 17 گاڑیاں جل گئیں۔ اس واقعہ میں کوئی جانی نقصان نہیں ہوا ہے۔ فائر بریگیڈ کی ٹیم نے آگ پر قابو پالیا۔پونے شہر کے گنگادھام علاقے میں واقع ایک گیراج میں جمعہ کی صبح تقریباً 3 بجے اچانک آگ لگ گئی۔ کچھ ہی دیر میں آگ نے پورے گیراج کو اپنی لپیٹ میں لے لیا۔ مقامی لوگوں نے فائر بریگیڈ کو واقعے کی اطلاع دی تو فوری طور پر 4 گاڑیاں موقع پر پہنچ گئیں۔ انتھک کوششوں کے بعد آگ پر قابو پالیا گیا۔ اس واقعے میں کوئی جانی نقصان نہیں ہوا تاہم 17 فور وہیلر آگ سے جل کر خاکستر ہو گئے۔ آگ لگنے کی صحیح وجہ ابھی تک معلوم نہیں ہو سکی ہے۔