تاثیر،۱۳مارچ ۲۰۲۴:- ایس -ایم- حسن
نئی دہلی ، 12 مارچ :مرکزی سڑک اور ٹرانسپورٹ کے وزیر نتن گڈکری نے آٹھ ریاستوں میں قومی شاہراہوں کو اپ گریڈ کرنے کی منظوری دی ہے۔ مرکزی وزیر نے منگل کو اپنے ایکس ہینڈل پر یہ معلومات شیئر کیں۔ مرکزی وزیر نے ان ریاستوں میں قومی شاہراہوں کی اپ گریڈیشن کے لیے 9982.15 کروڑ روپے کی منظوری دی ہے۔ اس میں اتراکھنڈ ، کرناٹک ، آندھرا پردیش ، تامل ناڈو ، اوڈیشہ ، جموں و کشمیر ، اروناچل پردیش اور جھارکھنڈ کے نام شامل ہیں۔
مرکزی وزیر نتن گڈکری نے ملک کی ان ریاستوں میں ہائی ویز کو اپ گریڈ کرنے کی منظوری دینے والے ایکس ہینڈل پر ردعمل ظاہر کرتے ہوئے کہا کہ اس سے کنیکٹیویٹی میں بہتری آئے گی۔ سڑک استعمال کرنے والوں کی حفاظت بڑھے گی اور سفر کا وقت کم ہو جائے گا۔ شہر میں ٹریفک کا رش کم ہو گا۔مرکزی وزیر نے اتراکھنڈ کے ادھم سنگھ نگر اور نینیتال اضلاع میں نیشنل ہائی وے 121 ( نیا 309) کے کاشی پور سے رام نگر سیکشن کو اپ گریڈ کرنے کے لیے 494.45 کروڑ روپے کی منظوری دی ہے۔ کرناٹک کے بیلاری اور اننت پور اضلاع میں 13.087 کلومیٹر طویل قومی شاہراہ 150 کے لیے 626.01 کروڑ روپے کی منظوری دی گئی ہے۔
مرکزی وزیر نے آندھرا پردیش میں قومی شاہراہ 716 پر تمل ناڈو اور آندھرا پردیش کی سرحد سے پٹور ( 20.03 کلومیٹر) تک موجودہ 2 لین پکی کندھے کی توسیع کے لیے 1346.81 کروڑ روپے کی منظوری دی ہے۔ اسی طرح اڈیشہ کے سمبل پور ضلع میں قومی شاہراہ کے پروجیکٹوں کے لیے 374.17 کروڑ روپے کی منظوری دی گئی ہے۔مرکزی وزیر نے جموں و کشمیر میں قومی شاہراہ 444 پر شوپیاں بائی پاس کی تعمیر کے لیے 224.44 کروڑ روپے اور اروناچل پردیش میں قومی شاہراہ -913 کے آٹھ پیکجوں میں 265.49 کلومیٹر طویل تعمیر کے لیے 6621.62 کروڑ روپے کی منظوری دی۔ مرکزی وزیر نے جھارکھنڈ کے ڈمکا ضلع میں نیشنل ہائی وے 114- اے کے ٹاور چوک کے باسکی ناتھ سیکشن کو چار لین کرنے کے لیے 292.65 کروڑ روپے کی منظوری دی ہے۔