سابق پرمکھ مشتاق عالم نے 1000 سے زائد ضرورت مندوں میں رمضان کیٹس تقسیم کیا۔

ٹھاکر گنج (محمد محیط حسن رضا)

اتوار کو ٹھاکر گنج بلاک کے کنک پور پنچایت کے تحت مانک پور گاؤں کے سابق پرمکھ مشتاق عالم نے رمضان شریف کے مقدس مہینے میں ہر سال 20 رمضان کی طرح اس بار بھی غریب اور بے سہارا لوگوں میں امدادی سامان تقسیم کیا۔ اس موقع پر تمام احباب نے تمام ضرورت مندوں میں رمضان شریف کی کٹس تقسیم کیں اور سب کو رمضان شریف کی مبارکباد دی۔ انہوں نے مزید کہا کہ رمضان شریف ہم لوگوں کا مقدس مہینہ ہے اور اس مہینے میں غریبوں میں ان کی وسعت کے مطابق عید کا امدادی سامان تقسیم کیا جاتا ہے۔ کیونکہ پیغمبر اسلام نے فرمایا کہ اپنی ذات سے بڑھ کر غریبوں اور بے سہارا لوگوں کا خیال رکھنا چاہیے، اگر ایک غریب بھی اس مقدس مہینے میں خوشی سے عید نہ منا سکے تو کس کا بھی عید نہیں ہوتا۔ اس لیے شریعت میں کہا گیا ہے کہ اپنے رشتہ داروں کے ساتھ ساتھ غریبوں کا بھی خیال رکھنا چاہیے اور رمضان شریف کے مقدس مہینے میں اپنے مرحوم آباء و اجداد کے لیے زیادہ سے زیادہ صدقہ کرنا چاہیے۔ سماجی کارکن مشتاق عالم نے بتایا کہ یہ روایت ہمارے آباؤ اجداد کی زمانے سے چلی آرہی ہے اور آج بھی ہم کرتے ہیں اور عید سے قبل غریبوں میں کٹس تقسیم کی جاتی ہیں تاکہ غریب اور بے سہارا لوگ خوشی سے عید منائیں۔ اس موقع پر 1000 سے زائد غریب بیواؤں اور بے سہارا مرد و خواتین نے استفادہ کیا اور لوگوں نے مشتاق عالم کو دعائیں دیں۔لوگوں نے کہا کہ مشتاق عالم ہم غریب عوام کے مسیحا ہیں کیونکہ ہر سال رمضان شریف کے مقدس مہینے میں ہمیں عید کے لیے امدادی سامان فراہم کرتے ہے۔