تاثیر،۲مارچ ۲۰۲۴:- ایس -ایم- حسن
چھپرہ (نقیب احمد)
سینٹرل بینک آف انڈیا کے عہدیدار اور یونین لیڈر جے شنکر پرساد کی ریٹائرمنٹ پر ایک الوداعی تقریب کا اہتمام کیا گیا۔تقریب کی صدارت کرتے ہوئے بہار اسٹیٹ سینٹرل بینک آفیسرز ایسوسی ایشن کے جنرل سکریٹری مرتیونجے مشرا نے مسٹر پرساد کو ایک ججھارو اور محنتی لیڈر بتایا۔بینک کے زیر التواء دو طرفہ معاہدے کے بارے میں انہوں نے کہا کہ پانچ روزہ بینکنگ پر بعض تنظیموں کے رویہ کی وجہ سے تاخیر ہو رہی ہے۔تمام یونینز کو ایک پلیٹ فارم پر اکٹھا کر کے تعطل کو توڑنے اور سمجھوتہ کرنے کی کوشش کی جا رہی ہے۔سابق مینیجر اور لیڈر رمیش کمار سنگھ نے مسٹر پرساد کی شخصیت اور کام کے بارے میں تفصیل سے بات کی۔ان کی جدوجہد کی کہانی سنائی اور لوگوں سے اپیل کی کہ عملہ بینک میں ایمانداری سے کام کرے اور صارفین کی خدمت کرے۔موقع پر شیو ناتھ سنگھ،پرمہنس پانڈے،محمد سمیع الزماں،شری کانت سروج،اجیت کمار،پربھات پانڈے،سنودھر پاٹھک،کاشی ناتھ،گنیش سنگھ خوشبو،راگنی کماری،منیش کمار،سچن چندر،جے رام سنگھراہل رانا،اوماشنکر سنگھ،رویندر سنگھ،اشوک کمار،کمل دیو شرما،اوماشنکر گپتا،گریش کمار سنہا،کامیشور رام،راہل کمار،سنیل کمار،شاردا،انیل کمار،وکاس یادو،وشال یادو وغیرہ نے خطاب کرتے ہوئے شری پرساد کے روشن اور خوشگوار مستقبل کی خواہش کی۔آخر میں مسٹر پرساد نے سب کا شکریہ ادا کیا۔