سیکٹر افسران پرامن اور منصفانہ انتخابات کی بنیاد ہیں: جاوید اقبال

چھپرہ (نقیب احمد)

انتخابی عمل میں سیکٹر آفیسر کا کام بہت اہم ہے۔ان کی ذمہ داری کافی پہلے سے شروع ہوتی ہے اور آخر تک جاری رہتی ہے۔یہ باتیں ڈپٹی الیکشن آفیسر جاوید اقبال نے راجپوت اسکول میں منعقدہ سیکٹر آفیسرز کی تربیت میں کہیں۔انہوں نے کہا کہ جیسے ہی آپ کا بطور سیکٹر تقرر ہوتا ہے آپ براہ راست الیکشن کمیشن کے ماتحت ہو جاتے ہیں۔ان کا کام چار ماہ پہلے سے شروع ہوتا ہے اور اس وقت تک جاری رہتا ہے جب تک ان کے سیکٹر کے تحت تمام پولنگ اسٹیشنوں کے ووٹنگ میٹریل اور ای وی ایم الیکشن کے دن اسٹرانگ روم میں جمع نہیں ہو جاتے۔لا اینڈ آرڈر کی بحالی بھی ان کی ذمہ داری ہے۔امید کی جاتی ہے کہ اب تک آپ پولنگ اسٹیشن اپروچ روڈز،پولنگ سٹیشنز کی فزیکل ویری فکیشن،اے ایم ایف،ورنلیبل نقشہ سازی اور ماڈل کوڈ آف کنڈکٹ سے متعلق ضروری کارروائیوں سے متعلق کام مکمل کر چکے ہوں گے۔اب آپ کو ای وی ایم کے آپریشن کو ٹھیک سے سمجھنا چاہئے۔بوتھ پر ماک پول سے لے کر سیلنگ،اصل پول،مختلف فارم کو بھرنا وغیرہ آپ کی نگرانی میں ہونے ہیں۔آپ کے پاس ہی ریزرو ای وی ایم ہوگی۔یہ آپ کی ذمہ داری ہے کہ جب ضروری ہو مشین کو تبدیل کریں اور فوری طور پر اس کی اطلاع دیں۔اس کے علاوہ آپ کو C اور D زمرہ کی EVMs کو گودام میں واپس جمع کرنا ہوگا۔آپ کو ووٹنگ کے انتظام کے عمل اور ای وی ایم کے کام کاج میں مہارت حاصل کرنی چاہیے اور اس کی خرابیوں کے حل کو باریکی سے سمجھنا چاہیے۔آزادانہ،منصفانہ اور پرامن انتخابات کے انعقاد کی پہلی بنیاد آپ ہیں۔کل 12 کمروں جاری ٹریننگ کے دوران جونیئر الیکشن آفیسر اخلاق انصاری نے اہم نکات سے آگاہ کیا۔اس دوران ماسٹر ٹرینرز نے سیکٹر آفیشلز کے کام اور ذمہ داریوں کے بارے میں تفصیل سے بتایا۔موقع پر ڈی پی او سیکنڈری ایجوکیشن سنجے کمار،ماسٹر ٹرینر رامادھر پرساد،شبھ نارائن اوجھا،ونے پرتاپ سنگھ،ونے کمار تیواری،رمیش چندر،وجیندر کمار وجے،منی کانت تیواری،راجیو چودھری،سشیل کمار،اجیت کمار سنگھ،الکا سہائے،ناگیندر کمار مشرا وغیرہ موجود تھے۔