تاثیر،۱۹ اپریل ۲۰۲۴:- ایس -ایم- حسن
دربھنگہ(فضا امام) 19 اپریل:-لوک سبھا حلقہ نمبر 14 دربھنگہ سے انڈیا الائنس کے امیدوار للت کمار یادو نے آج یعنی جمعہ 19 اپریل کو اپنا پرچہ نامزدگی داخل کیا۔ نامزدگی سے ایک دن قبل مبی، شیوداھرا اور شہر کے مختلف مقامات پر ووٹروں سے رابطہ کیا گیا۔ دربھنگہ لوک سبھا حلقہ کے ووٹروں سے نامزدگی کے لیے آنے کی درخواست کی گئی تھی۔ اس موقع پر سابق ڈپٹی سی ایم تیجسوی یادو نے میڈیکل گراؤنڈ میں منعقدہ میٹنگ میں عوام سے خطاب کیا۔اس دوران انہوں نے بی جے پی کو نشانہ سادا۔ساتھ ہی مدھوبنی لوک سبھا حلقہ کے امیدوار محمد علی اشرف فاطمی ،بھولا یادو، میکس سہنی وغیرہ موجود تھے۔ للت یادو کے بعد تروینی پاسوان نے دربھنگہ لوک سبھا سے آزاد امیدوار کے طور پر اپنا پرچہ نامزدگی داخل کیا ہے۔ اس کے بعد اب تک دربھنگہ لوک سبھا سے 3 امیدوار، این ڈی اے سے گوپال جی ٹھاکر، انڈیا الائنس سے للت یادو، آزاد سے تروینی پاسوان نے پرچہ نامزدگی داخل کیا ہے۔