تاثیر،۲۰ اپریل ۲۰۲۴:- ایس -ایم- حسن
ممبئی ، 20اپریل:کے اہل راہل اور ڈی کاک نے لکھنؤ سپر جائنٹس کے لیے شاندار کارکردگی کا مظاہرہ کیا۔ ان دونوں کھلاڑیوں نے چنئی سپر کنگز کے خلاف سنچری شراکت داری کی۔ اس کی بدولت راہل اور ڈی کاک نے اپنے ہی ریکارڈ توڑ ڈالے۔ اہم بات یہ تھی کہ اس میچ میں لکھنؤ نے چنئی کو 8 وکٹوں سے شکست دی ۔ راہل نے 82 رنز کی اننگز کھیلی۔ ڈی کاک نے بھی نصف سنچری اسکور کی۔دراصل راہل اور ڈی کوک لکھنؤکی ٹیم کے لیے اوپننگ کرنے آئے تھے جو چنئی کے ذریعہ دیئے گئے ہدف کا تعاقب کر رہی تھی۔ اس دوران دونوں کے درمیان 134 رنز کی شراکت ہوئی۔ چنئی کیخلاف سب سے بڑی اوپننگ شراکت کا ریکارڈ رہانے اور شین واٹسن کے نام ہے۔ان دونوں نے 2015 میں راجستھان کے لیے کھیلتے ہوئے 144 رنز کی شراکت داری کی تھی۔ راہل-ڈی کاک کی شراکت تیسرے نمبر پر ہے۔ دھون اور پرتھوی شا نے 2021 میں دہلی کے لیے کھیلتے ہوئے 138 رنز کی شراکت داری کی۔راہل-ڈی کاک نے چنئی کے خلاف سب سے بڑی اوپننگ شراکت کے معاملے میں دھون اور وارنر کی جوڑی کو پیچھے چھوڑ دیا ہے۔ دھون اور وارنر نے 2014 میں حیدرآباد کے لیے کھیلتے ہوئے 116 رنز کی شراکت داری کی تھی۔قابل ذکر ہے کہ لکھنؤ سپر جائنٹس آئی پی ایل 2024 کے پوائنٹس ٹیبل میں 5ویں نمبر پر ہے۔ اس نے اب تک 7 میچ کھیلے ہیں اور اس دوران 4 جیتے ہیں۔ اسے 3 میچوں میں شکست کا سامنا کرنا پڑا ہے۔ لکھنؤ کو راجستھان رائلز، دہلی کیپٹلز اور کولکتہ نائٹ رائیڈرز نے شکست دی۔