تاثیر،۲۶ اپریل ۲۰۲۴:- ایس -ایم- حسن
پٹنہ، 26 اپریل: لوک سبھا انتخابات کے دوسرے مرحلے کے تحت آج بہار کی 5 سیٹوں پر ووٹنگ ہو رہی ہے۔ اس کے بارے میں سمراٹ چودھری نے کہا کہ یہ جمہوریت کا عظیم تہوار ہے۔ وزیر اعظم نریندر مودی کی حکومت نے 10 سال تک آئین کو محفوظ رکھا اور مستقبل میں بھی اس کا تحفظ کیا جائے گا۔ زیادہ سے زیادہ لوگ باہر آئیں اور ووٹ دیں اور ملک کو بہتر بنانے میں مدد کریں۔جب تیجسوی نے وزیر اعظم سے 10 سوالات پوچھے تو سمراٹ چودھری نے طنزیہ انداز میں کہا کہ ‘ یہ فطری ہے کہ ان کے پاس کوئی کام نہیں ہے ، ان کے پاس صرف ٹویٹر پر کام ہے ، انہوں نے عوام کے درمیان کام نہیں کیا ہے۔ سمراٹ چودھری نے لالو پرساد یادو کے بارے میں کہا کہ وہ بار بار کہتے ہیں کہ ا?ئین خطرے میں ہے، معلوم ہونا چاہیے کہ مودی حکومت 10 سال سے اقتدار میں ہے ، ا?ئین کہاں خطرے میں ہے۔ ریزرویشن بڑھایا گیا ہے۔
سمراٹ چودھری نے کہا کہ اپوزیشن کے پاس کوئی ایشو نہیں ہے تو ایسے بیانات دے رہے ہیں کہ ا?ئین خطرے میں ہے ، ریزرویشن خطرے میں ہے۔ جہاں 10 سال سے ملک میں مودی حکومت ہے وہیں بہار میں بھی ریزرویشن کی حد بڑھا دی گئی ہے۔ پی ایم نریندر مودی نے 10 سال تک ا?ئین کی حفاظت کی ہے اور ملک کو درپیش مسائل کو مسلسل حل کر رہے ہیں۔