تاثیر،۲۵ اپریل ۲۰۲۴:- ایس -ایم- حسن
سہسرام ( انجم ایڈوکیٹ ) آج مورخہ 25 اپریل 2024 کو روہتاس ضلع سہسرام کے قریب شیو ساگر بلاک کے وشرام پور میں آل انڈیا ریلوے شو-شائن ورکرس یونین کی طرف سے آنجہانی، بانی، ڈائریکٹر، سرپرست اور دیگر بہت سی تنظیموں کے رہنما رہے بشمول بانی انڈیا ریلوے شو-شائن ورکرز یونین رام اقبال جی کو انکی برسی پر انھیں یاد کیا گیا ۔ مقررین نے کہا کہ 2013 سے رام اقبال رام نے بے روزگاروں، جوتے پالش کرنے والوں اور بزرگ شہریوں کی خدمت کی، انہوں نے ہندوستان کے ریلوے اسٹیشنوں پر جوتا پالش کرنے والے کارکنوں کو انصاف فراہم کرنے میں اہم کردار ادا کیا ہے، وہ بہت سی دوسری تنظیموں کے ذریعہ بھی زندگی بھر غریبوں اور استحصال زدہ لوگوں کی خدمت کرتے رہے ہیں، لوگوں نے کہا کہ غریبوں کے مسیحا مرحوم رام اقبال رام نے بھی سہسرامکے لوگوں کے مسائل کو حل کرنے کیلئے آزاد امیدوار کے طور پر سہسرام لوک سبھا کا انتخاب بھی لڑا تھا ۔ م قع پر موجود سیکڑوں لوگوں کے ساتھ خصوصاً چندن کمار، واسوکی ناتھ ساہ، راکیش کمار، سنجئے رام، ونود وغیرہ جیسے یونین عہدیدار رام اقبال رام کے ادھورے خوابوں کو پورا کرنے کیلئے دن رات کام کر رہے ہیں ۔