!ناگپور ایئرپورٹ کو بموں سے اڑانے کی دھمکی

تاثیر،۲۹       اپریل ۲۰۲۴:- ایس -ایم- حسن

ناگپور ، 29 اپریل:ناگپور ڈاکٹر بابا صاحب امبیڈکر بین الاقوامی ہوائی اڈے کو بموں سے اڑانے کی دھمکی دی گئی ہے۔ دہشت گرد نے طیاروں کو دھماکہ خیز مواد سے اڑانے کی دھمکی دی ہے۔ یہ دھمکی پیر کی صبح 9.45 بجے ایئرپورٹ انتظامیہ کو ای میل کے ذریعے دی گئی۔ دھمکی آمیز میل موصول ہونے کے بعد ایئرپورٹ انتظامیہ میں خوف و ہراس پھیل گیا اور تمام حفاظتی اقدامات کر لیے گئے ہیں۔
بم کے خطرے کے پیش نظر ایئرپورٹ انتظامیہ پریشان ہے اور انتظامیہ چوکس ہو گئی ہے۔ سنٹرل انڈسٹریل سیکورٹی فورس (سی آئی ایس ایف) اور مقامی پولیس نے فوری طور پر ہوائی اڈے پر تلاشی مہم شروع کی۔ لیکن کوئی مشکوک چیز نہیں ملی۔ ہوائی اڈے انتظامیہ سے وابستہ ذرائع نے بتایا کہ پیر کو ملک کے کئی ہوائی اڈوں کو دھمکی آمیز میل موصول ہوئے۔ اس طرح کے میل جے پور، اگرتلہ، سری نگر، چندی گڑھ اور وارانسی ہوائی اڈے کی انتظامیہ کو بھی بھیجے گئے ہیں۔ اس میل میں تمام ہوائی اڈوں پر بم نصب کرنے کی دھمکی دی گئی ہے۔
میل کے ذریعے موصول ہونے والی دھمکی کی اطلاع ابتدائی طور پر سی آئی ایس ایف اور مقامی پولیس کو دی گئی، جو ہوائی اڈے کی حفاظت پر مامور ہیں۔ سیکیورٹی کے فوری اقدامات کرتے ہوئے ایئرپورٹ کا سرچ آپریشن کیا گیا۔ بم ڈسپوزل اسکواڈ اور ڈاگ اسکواڈ سمیت دیگر سیکیورٹی اداروں نے ایئرپورٹ کی تلاشی لی۔ حکام نے بتایا کہ فی الحال ہوائی اڈے پر سخت حفاظتی انتظامات ہیں اور مسافروں کو معائنہ کے بعد ہی اندر جانے دیا جا رہا ہے۔ ہوائی اڈے پر 15 کی دو ٹیمیں تعینات کی گئی ہیں۔ پولیس علاقے میں پیش رفت پر نظر رکھے ہوئے ہے۔ سینئر پولیس حکام نے بتایا کہ مشتبہ افراد سے تفتیش کی جا رہی ہے۔
میہان انڈیا لمیٹڈ کی سینئر ڈائریکٹر عابد روحی نے بتایا کہ۔ دھمکی آمیز میل صبح 9.45 پر موصول ہوا۔ واقعہ کی اطلاع سینئر افسران اور سی آئی ایس ایف اور مقامی پولیس کو دی گئی۔ سیکیورٹی اداروں نے فوری طور پر ایئرپورٹ کو چیک کیا۔ اس میں کوئی بھی مشکوک چیز نہیں ملی۔ سیکیورٹی ادارے ایئرپورٹ پر کڑی نظر رکھے ہوئے ہیں اور ہر کسی کو چیک کیا جا رہا ہے۔