تاثیر،۱۹ اپریل ۲۰۲۴:- ایس -ایم- حسن
گنگٹوک، 19 اپریل: سکم میں 11ویں اسمبلی اور 18ویں لوک سبھا انتخابات کے لیے ووٹنگ صبح 7 بجے سے شروع ہو گئی۔ وزیر اعلی تمانگ نے جمعہ کی صبح سنگلنگ یاتری نواس پولنگ اسٹیشن پر اپنے حق رائے دہی کا استعمال کیا۔ انہوں نے دعویٰ کیا ہے کہ ایس کے ایم پارٹی اس بار بھی حکومت بنائے گی۔
سکم کے وزیر اعلی اور ایس کے ایم پارٹی کے صدر پریم سنگھ تمانگ نے سورینگ چیاکھنگ حلقہ میں سنگلنگ یاتری نواس پولنگ بوتھ پر پہنچ کر اپنا ووٹ ڈالا۔ ووٹنگ کے بعد نامہ نگاروں سے بات کرتے ہوئے وزیر اعلی تمانگ نے کہا کہ انہیں ریاست میں دوسری بار ایس کے ایم پارٹی کی حکومت بنانے کا یقین ہے۔ ایک سوال کے جواب میں انہوں نے کہا کہ سورینگ چیاکھنگ اسمبلی حلقہ ان کا آبائی اسمبلی حلقہ ہے اور وہ یہاں پہلی بار اپنے لئے ووٹ ڈال رہے ہیں۔ انہوں نے کہا کہ ریاست میں ووٹنگ پرامن طریقے سے جاری ہے اور یہ اب تک کا سب سے پرامن الیکشن ہے۔ اس پر انتظامیہ کو مبارکباد دیتے ہوئے انہوں نے کہا کہ حکومت کامیابی سے انتخابات کرانے میں کامیاب رہی ہے۔
قابل ذکر ہے کہ ریاستی اسمبلی انتخابات میں وزیر اعلیٰ پریم سنگھ تمانگ دو حلقوں سورینگ-چیاکھونگ اور رنانک علاقے سے الیکشن لڑ رہے ہیں۔