تاثیر،۱اپریل ۲۰۲۴:- ایس -ایم- حسن
جودھ پور، یکم اپریل: سالاواس گاوں کے شکار پورہ روڈ پر ایک ڈمپر نے پیر کی صبحبائک سوار تین نوجوانوں کو کچل دیا۔ تینوں نوجوانوں کی موقع پر ہی موت ہو گئی۔ حادثے کے بعد ڈرائیور ڈمپر سمیت فرار ہو گیا۔ واقعہ کے بعد موقع پر لوگوں کی بڑی بھیڑ جمع ہوگئی۔اطلاع ملنے کے بعد وویک وہار تھانے کے افسر جتیندر سنگھ پولیس اہلکاروں کے ساتھ موقع پر پہنچ گئے۔ تینوں نوجوانوں کا تعلق سالاواس گاوں سے بتایا جاتا ہے۔ یہاں لوگوں نے گاوں سے گزرنے والے بجری ڈمپر کے خلاف احتجاج شروع کر دیا ہے۔ معلومات کے مطابق، پیر کی صبح تین نوجوان بائک پر سالاواس گاوں سے جا رہے تھے۔ موٹر سائیکل کے آگے ایک ڈمپر بھی چل رہا تھا۔ موٹر سائیکل پر سوار نوجوانوں نے ڈمپر کو اوور ٹیک کرنے کی کوشش کی لیکن سڑک بہت چھوٹی ہونے کی وجہ سے نوجوان کی موٹر سائیکل پھسل کر ڈمپر سے ٹکرا گئی۔ موٹر سائیکل پر سوار تینوں نوجوان ڈمپر کے ٹائروں کی زد میں آ گئے۔