تاثیر،۱۸ اپریل ۲۰۲۴:- ایس -ایم- حسن
نئی دہلی، 18اپریل: راؤز ایونیو کورٹ نے دہلی آبکاری پالیسی گھوٹالے کے معاملے میں گرفتار وزیر اعلی اروند کجریوال کی شوگر لیول کی باقاعدہ جانچ کی مانگ کرنے والی عرضی پر سماعت کرتے ہوئے تہاڑ جیل سے کجریوال کا ڈائٹ چارٹ طلب کیا گیا ہے۔کیس کی اگلی سماعت 19 اپریل کو ہوگی۔دراصل سماعت کے دوران ای ڈی کی طرف سے پیش ہوئے وکیل زوہیب حسین نے کہا کہ وزیر اعلیٰ کجریوال کی شوگر بڑھنے کی وجہ ان کا گھر کا پکا ہوا کھانا ہے۔ انہیں آلو پوری، آم، مٹھائیاں اور دیگر میٹھی چیزیں گھر سے کھانے کے لیے دی جا رہی ہیں۔ ای ڈی نے کہا کہ طبی بنیادوں پر ضمانت مل جائے اس کے لئے یہ سب کیا جا رہا ہے۔ اس کے بعد عدالت نے تہاڑ جیل سے کجریوال کا ڈائٹ چارٹ طلب کر لیا۔عدالت نے کجریوال کی درخواست پر 16 اپریل کو ای ڈی کو نوٹس جاری کیا تھا۔ سماعت کے دوران کجریوال کی طرف سے پیش ہونے والے وکیل نے کہا تھا کہ ان کا شوگر لیول مسلسل اوپر اور نیچے جا رہا ہے۔ ای ڈی کی حراست کے دوران کجریوال کا بلڈ شوگر لیول 46 تک پہنچ گیا۔ اس کے پیش نظر اسے ہفتے میں تین دن ویڈیو کانفرنسنگ کے ذریعے اس ڈاکٹر سے مشورہ کرنے کی اجازت دی جائے جو اس کی گرفتاری سے قبل اس کا معائنہ کرتا تھا۔سماعت کے دوران ای ڈی نے کہا کہ جیل میں ڈاکٹر موجود ہیں اور ان کا معائنہ بھی وہاں کیا جا سکتا ہے۔ آپ کو بتا دیں، 15 مارچ کو عدالت نے کجریوال کی عدالتی حراست میں 23 اپریل تک توسیع کر دی تھی۔ 21 مارچ کو دہلی ہائی کورٹ کی طرف سے کجریوال کو گرفتاری سے تحفظ فراہم نہ کیے جانے کے بعد، ای ڈی نے 21 مارچ کی شام دیر گئے پوچھ گچھ کے بعد انہیں گرفتار کر لیا تھا۔ کجریوال اس معاملے میں فی الحال تہاڑ جیل میں بند ہیں۔