تاثیر،۱۴ اپریل ۲۰۲۴:- ایس -ایم- حسن
نئی دہلی، 14 اپریل: بھارتیہ جنتا پارٹی نے اتوار کو ’’سنکلپ پتر‘‘ کے نام سے اپنا انتخابی منشور جاری کیا۔ وزیر اعظم نریندر مودی، بی جے پی صدر جے پی نڈا، وزیر دفاع راج ناتھ سنگھ، وزیر داخلہ امت شاہ اور وزیر خزانہ نرملا سیتارمن نے پارٹی ہیڈکوارٹر میں سنکلپ پتر جاری کیا۔سنکلپ پتر (عہد نامہ) جاری کرتے ہوئے وزیر دفاع اور بی جے پی کے سینئر لیڈر راج ناتھ سنگھ نے کہا کہ وزیر اعظم مودی کی قیادت میں ہندوستان مضبوط ہندوستان کے عزم کو پورا کرنے کے لئے کامیابی سے کام کیا گیا ہے۔ اب ہم ہندوستان کے 140 کروڑ شہریوں کے سامنے اپنا نیا منشور پیش کرنے جا رہے ہیں۔
انہوں نے خوشی اور اطمینان کا اظہار کیا کہ مودی جی کی قیادت میں ہم نے ہم وطنوں سے کیا گیا ہر وعدہ پورا کیا ہے۔ 2014 کا سنکلپ پتر ہو یا 2019 کا منشور، مودی جی کی قیادت میں ہم نے ہر قرارداد کو پورا کیا ہے۔