تاثیر،۶ مئی ۲۰۲۴:- ایس -ایم- حسن
جھنجھنو، 6 مئی: سنگھانا ضلع کے تھالی گاؤں کے قریب پیر کی صبح 10.30 بجے ایک بائک کو ٹکر مارنے کے بعد، قابو سے باہر اسکارپیو کار سامنے سے آنے والی منی بس سے ٹکرا گئی۔ اس شدید تصادم میں گاڑیوں کے پرخچے اڑ گئے ۔ حادثے میں موٹر سائیکل سوار، اسکارپیو میں سوار تین افراد اور بس ڈرائیور سمیت پانچ افراد کی موت ہو گئی۔ حادثے میں بس میں سوار بیس سے زائد مسافر زخمی ہوگئے۔
معلومات کے مطابق کرن ویر (25) ولد شیشرام فوج میں سپاہی تھا۔ جو ہمیر پور کا رہائشی تھا اور اتوار کی رات چھٹی لے کر ڈیوٹی سے گھر آیا تھا۔ کرن ویر نے حال ہی میں فوج میں شمولیت اختیار کی تھی اور جبل پور میں تعینات تھا۔ پیر کو کرن ویر اپنے گاؤں ہمیر واس سے اسکارپیو میں سنگھانہ کی طرف جا رہا تھا۔ رنکو اور اس کا بھتیجا راہل بھی اس کے ساتھ کار میں تھے۔ ہمیر واس میں گھر سے نکلنے کے بعد پانچ سو میٹر دور تھالی گاؤں کے قریب اسکارپیو نے ایک بائک کو ٹکر مار دی اور سامنے سے آنے والی بس سے ٹکرا گئی۔ گاڑیوں کی رفتار اتنی زیادہ تھی کہ خوفناک تصادم میں گاڑیوں کے پرخچے اڑ گئے۔ گاڑی مکمل طور پر تباہ ہو گئی۔ بس کا شیشہ ٹوٹ گیا اور ڈرائیور کی لاش سامنے کا شیشہ توڑتے ہوئے ڈیش بورڈ پر لٹک گئی۔ تصادم کے بعد کئی لوگ چھٹک کر سڑک پر گر گئے۔ اس حادثہ میں اسکارپیو سوار کرن ویر ولد شیشرام، رنکو ولد بلویر ساکنہ ہمیر واس اور کرن ویر کے بھتیجے راہل کی موت ہو گئی۔ راہل ناریڈی نظام پور (ہریانہ) کا رہنے والا تھا۔ اس حادثے میں موٹر سائیکل سوار سریش ولد پربھو دیال شوبھرام ولد سیفرگوار (کھیتری) اور بس ڈرائیور ہنومان (45) ولد پربھو سنگھ مان پورہ (سنگھانہ) کی بھی موت ہو گئی۔ سنگھانہ پولیس اسٹیشن کے افسر کیلاش چند یادو نے بتایا کہ منی بس مسافروں سے بھری ہوئی تھی اور سنگھانہ سے بوہانہ جا رہی تھی۔ حادثے میں 5 افراد ہلاک اور بس میں سوار 20 مسافر زخمی ہو گئے۔ زخمیوں کو لوڈنگ گاڑیوں اور ایمبولینسوں میں سنگھانا اسپتال لے جایا گیا۔
سنگھانہ سی ایچ سی کے انچارج ڈاکٹر دھرمیندر سینی نے بتایا کہ حادثے میں بس کے مسافروں میں کیلاش (55) ولد پرہلاد، پون ساکنہ دھانی حکما، منیشا (18) بیٹی کرشن کمار، سونو (25) ولد مہیپال ،سونو جانگیڈ (22) ولد کرشن کمار، انیتا (22)، دھرمپال، سمن (34)، بھوم سنگھ (50) ولد ارجن سنگھ ساکن سنگھانہ، ڈیڑھ ماہ کی بچی، سنتوش (55)، بلونت۔ (32) ساکن چرانی، راجکی (40) ساکنہ سلطانہ اہیراں، کارتک (4) ساکنہ سلطانہ اہیراں، موہت ساکن مہدا، سیما دختر رام جی لال ساکن بنواس، سنت لال (50) ساکن سنگھانہ زخمی ہو گئے ہیں۔ جو سنگھانہ اسپتال میں زیر علاج ہے۔
اس کے علاوہ روشنی دیوی (50) بیوی لیلا رام ساکن مکڈو (سنگھانہ)، روشنی دیوی کا پوتا ہنماشو (8)، راج بالا (60) بیوی سوبے سنگھ ساکن ساگا (سنگھانہ)، راکیش (28) ولد سریش کمار ساکنہ ہمیر پورہ (سنگھانہ) اور ایک دیگر کو تشویشناک حالت میں ضلع جھنجھنو ریفر کیا گیا ہے۔