تاثیر،۸ مئی ۲۰۲۴:- ایس -ایم- حسن
نئی دہلی ، 8مئی:حال ہی میں نسلی تبصرے کرنے پر تنازعات میں آنے والے سیم پترودا نے انڈین اوورسیز کانگریس کے صدر کے عہدے سے استعفیٰ دے دیا ہے۔ کانگریس نے فوری طور پر ان کا استعفیٰ قبول کرلیا۔ کانگریس کے سینئر لیڈر جے رام رمیش نے ایکس پر پوسٹ کرتے ہوئے اس کی جانکاری دی۔ایکس پر پوسٹ کرتے ہوئے جے رام رمیش نے بتایا کہ سیم پترودا نے اپنی مرضی سے اس عہدے سے استعفیٰ دیا ہے۔ پوسٹ کرتے ہوئے انہوں نے لکھا،‘سیم پترودا نے اپنی مرضی سے انڈین اوورسیز کانگریس کے صدر کے عہدے سے استعفیٰ دینے کا فیصلہ کیا ہے۔ کانگریس صدر نے ان کا استعفیٰ قبول کر لیا ہے۔جے رام رمیش نے اپنے سابق عہدے میں سیم پترودا کے استعفیٰ کی وجہ نہیں بتائی ہے۔ تاہم خیال کیا جا رہا ہے کہ ان کا استعفیٰ ان کے حالیہ نسلی تبصرے کے بعد آیا ہے۔ بدھ کوسیم پترودا کا ایک بیان سامنے آیا جس میں انہوں نے کہا تھا کہ ’’مشرقی ہندوستانی چینی لوگوں کی طرح نظر آتے ہیں اور جنوبی ہندوستانی افریقی لوگوں کی طرح نظر آتے ہیں‘۔