تاثیر،۱۵ مئی ۲۰۲۴:- ایس -ایم- حسن
روم، 16 مئی: جووینٹس نے بدھ کے روز ابتدائی منٹوں میں ڈوسان ولہووچ کے گول کی بدولت اٹلانٹا کو 0-1 سے شکست دے کر اپنا 15 واں کوپا اٹلی خطاب حاصل کیا۔
جووینٹس نے اس سے پہلے 14 مرتبہ ٹورنامنٹ جیتا تھا اور ان کی آخری فتح 2021 میں ہوئی تھی، جبکہ اٹلانٹا نے صرف ایک بار 63-1962 کے سیزن میں خطاب جیتا تھا۔ جووینٹس نے میچ میں خوابیدہ آغاز کیا۔ ڈوسان ولہووچ نے چوتھے منٹ میں گول کر کے اپنی ٹیم کو 0-1 سے آگے کر دیا اور آخر میں یہ اسکور فیصلہ کن ثابت ہوا۔
خطاب جیتنے کے بعد ہیڈ کوچ میسیمیلیانو الیگری نے ایک بیان میں کہا، ’’یہ ایک اہم میچ تھا، فائنل کھیلنا ہمیشہ ہی حیرت انگیز ہوتا ہے۔ ہم تین مشکل مہینوں سے گزرے جو بہت ترقی کے حامل تھے۔ جووینٹس ایک اہم کلب ہے اور ہمیںوہ ملا جو جس کی ہمیں ضرورت تھی، چیمپئنز لیگ اور کوپا اٹلی کے فائنل میں کھیلنا شاندار تھا، جنہیں جیتنے کے لیے لڑکوں نے اچھا مظاہرہ کیا۔‘‘