تاثیر،۱۳ مئی ۲۰۲۴:- ایس -ایم- حسن
دربھنگہ(فضا امام) 13 مئی:- دربھنگہ لوک سبھا کے چھ سیٹ پر صبح 7 بجے سے 6 بجے شام تک ووٹنگ ہوئی۔ووٹنگ کے حوالے سے ووٹرز میں زبردست جوش و خروش پایا گیا۔ لوگ صبح سے ہی ووٹ ڈالنے کے لیے اپنے اپنے بوتھ پر قطاروں میں کھڑے نظر آیے۔ دربھنگہ لوک سبھا سیٹ کے کل 1785 بوتھوں پر 56.63 فیصد ووٹنگ ہوئی۔دربھنگہ میں ووٹروں کی کل تعداد 17 لاکھ 74 ہزار 656 ہے جس میں مرد ووٹرز کی تعداد 9 لاکھ 33 ہزار 122 اور خواتین ووٹرز کی تعداد 8 لاکھ 41 ہزار 499 ہے۔ اس کے علاوہ 35 تھرڈ جینڈر ووٹرز بھی ہیں۔ذات پات کی مساوات کی بات کریں تو یہاں ووٹروں کی زیادہ سے زیادہ تعداد تقریباً 4.5 لاکھ برہمن ووٹر ہیں۔ ووٹروں کی تعداد 3.5 لاکھ کے لگ بھگ ہونے کے ساتھ دوسرے نمبر پر مسلمان ہیں جبکہ ملّا ذات کے تقریباً 2 لاکھ ووٹر ہیں۔ اس کے علاوہ ایس سی-ایس ٹی ووٹروں کی تعداد تقریباً ڈھائی لاکھ ہے اور یادو ووٹروں کی تعداد تقریباً 1 لاکھ 60 ہزار ہے۔