تاثیر،۴ مئی ۲۰۲۴:- ایس -ایم- حسن
شملہ، 04 مئی: صدر جمہوریہ دروپدی مرمو ہماچل پردیش کے اپنے پانچ روزہ دورے پر ہفتہ کی صبح پہاڑیوں کی ملکہ شملہ پہنچ گئیں۔ صدر جمہوریہ کا ہیلی کاپٹر صبح 10.11 بجے شملہ کے قریب کلیانی ہیلی پیڈ پر اترا۔ گورنر شیو پرتاپ شکلا اور وزیر اعلیٰ سکھویندر سنگھ سکھو نے صدر جمہوریہ کا استقبال کیا۔ اس دوران صدرجمہوریہ دروپدی مرمو کو گارڈ آف آنر دیا گیا۔ بعد میں وہ چھرابڑ میں واقع راشٹرپتی نواس دی ریٹریٹ پہنچیں۔
صدر جمہوریہ 5 مئی کو راشٹرپتی کیچمنٹ ایریا کا دورہ کریں گی۔ 6 مئی کو وہ کانگڑا ضلع کے دورے پر ہوں گی۔ صدر جمہوریہ کانگڑا ڈسٹرکٹ ہیڈ کوارٹر دھرم شالہ میں سنٹرل یونیورسٹی کے کانووکیشن کی تقریب میں بطور مہمان خصوصی شرکت کریں گی۔ صدر جمہوریہ اسی دن شام کو شملہ واپس آئیں گی۔ 7 مئی کو صدر جمہوریہ سنکٹ موچن مندر اور تارا دیوی مندر میں پوجا کریں گی اور شام کو مال روڈ کا دورہ کریں گی۔ اس کے بعد وہ تاریخی گیٹی تھیئٹر میں ثقافتی شام سے لطف اندوز ہوں گی۔ اس کے بعد راج بھون میں عشائیہ کا اہتمام کیا جائے گا۔ صدر جمہوریہ8 مئی کو صبح شملہ سے دہلی کے لیے روانہ ہوں گی۔
صدرجمہوریہ کے دورہ کے پیش نظر شملہ شہر، اناڈیل اور کلیانی ہیلی پیڈس پر سخت حفاظتی انتظامات کیے گئے تھے۔ مرکزی سیکورٹی ایجنسیوں کے علاوہ ایک ہزار سے زائد پولیس اہلکار بھی شہر میں ٹریفک کے نظام کو برقرار رکھنے کے لیے وسیع انتظامات کیے گئے ہیں۔
6 مئی کو منعقد ہونے والی ہماچل پردیش سنٹرل یونیورسٹی کے ساتویں کانووکیشن تقریب میں 709 ڈگریاںتفویض کی جائیں گی۔ یونیورسٹی کے وائس چانسلر آچاریہ ست پرکاش بنسل نے کہا کہ صدر جمہوریہ 30 طلبا کو گولڈ میڈل دیں گے جن میں 18 لڑکیاں اور 12 لڑکے شامل ہیں۔ پی ایچ ڈی کی ڈگریاں 11 طلبا کو دی جائیں گی جن میں سات لڑکیاں اور چار لڑکے شامل ہیں۔ چھ طلبا کو ایم فل کی ڈگری دی جائے گی۔ سال 2019-22یو جی اور سال 2020-22 پی جی کے درمیان، 602 انڈرگریجویٹ اور پوسٹ گریجویٹ طلبا کو ڈگریاں دی جائیں گی۔ نو طلبا کو ایڈوانسڈ ڈپلومہ دیا جائے گا جن میں سات مرد اور دو خواتین طلبا شامل ہیں۔ 11 لڑکیوں اور 23 لڑکوں سمیت 34 طلبا کو پی جی ڈپلومہ دیا جائے گا اور آٹھ لڑکیوں اور نو لڑکوں سمیت 17 طلبا کو اسناد دی جائیں گی۔
صدر جمہوریہ تیسری مرتبہ سنٹرل یونیورسٹی کے کانووکیشن کی تقریب میں شرکت کریں گی۔ 6 مئی کو ملک کی صدر دروپدی مرمو سی یو کے ساتویں کانووکیشن میں بطور مہمان خصوصی شرکت کریں گی، جبکہ اس سے قبل سال 2014 میں اس وقت کے صدر پرنب مکھرجی اور سال 2022 میں اس وقت کے صدر رام ناتھ کووند نے شرکت کی تھی۔