تاثیر،۱۴ مئی ۲۰۲۴:- ایس -ایم- حسن
میڈرڈ، 15 مئی: لالیگا چیمپیئن ریال میڈرڈ نے منگل کے روز اپنے گھر میں ڈیپورٹیوو الاویس کو 0-5 سے شکست دی۔ریال، جس نے چار میچ باقی رہ کر ٹائٹل اپنے نام کیا، ہفتے کے شروع میں چیمپئنز لیگ کے فائنل میں پہنچنے کے بعد منگل کو ہسپانوی دارالحکومت میں اپنے 36ویں لیگ خطاب کا جشن منایا۔ جشن کے بعد کھیل شروع ہوا۔ جوڈ بیلنگھم نے میچ کے 10ویں منٹ میں گول کر کے میڈرڈ کو 0-1 کی برتری دلا دی۔اس کے بعد ونیسیئس جونیئر نے میچ کے 27ویں منٹ میں گول کر کے ٹیم کو 0-2 سے آگے کر دیا۔ فیڈے والورڈے نے پہلے ہاف کے انجری ٹائم میں ایک طاقتور شاٹ کے ساتھ گول کر کے ہاف ٹائم میں اپنی ٹیم کو 0-3 کی برتری دلائی۔
بیلنگھم کے پاس کے بعد ونیسیئس جونیئر نے اپنا دوسرا اور ٹیم کا چوتھا گول 69ویں منٹ میں کیا اور ریال میڈرڈ کی برتری 0-4 تک بڑھ گئی۔ اردا گلیر نے میچ کے 81ویں منٹ میں گول کر کے اپنی ٹیم کی 0-5 سے فتح یقینی بنائی۔ حالیہ ہفتوں میں گلیر کا یہ تیسرا گول تھا۔
ایک اور میچ میں گیرونا کے دوسرے نمبر پر آنے کے امکانات کو اس وقت بڑا دھچکا لگا جب انہیں ولاریال سے 0-1 سے شکست کا سامنا کرنا پڑا، جو سیزن کی ان کی دوسری ہوم شکست تھی۔
اس شکست کے ساتھ گیرونا بارسلونا سے ایک پوائنٹ پیچھے رہ گیا ہے، جس نے ایک میچ کم کھیلا ہے، جبکہ ولاریال کے پاس اب بھی اگلے سیزن میں یورپ کے لیے کوالیفائی کرنے کا موقع ہے۔