تاثیر،۱۹ مئی ۲۰۲۴:- ایس -ایم- حسن
لکھنؤ، 19 مئی: لوک سبھا انتخابات کے پیش نظر ریاست کے دارالحکومت لکھنؤ میں سی آر پی سی کی دفعہ 144 نافذ کر دی گئی۔ اس کے بعد انتخابات میں کسی بھی قسم کی افواہ پھیلانے، سوشل میڈیا یا چینلز پر غلط معلومات ڈالنے، کسی بھی قسم کے مظاہرے، اسلحے کی نمائش یا استعمال، شہر میں کسی بھی عوامی مقام پر بھیڑ جمع کرنے کے خلاف کارروائی کی جائے گی۔دفعہ 144 آج سے 16 جولائی تک نافذ ہے۔ جس میں مالک مکان کو شہر کے کسی بھی حصے میں کرایہ دار رکھنے سے پہلے پولیس سے تصدیق کرانی ہوگی۔ اسی طرح ای رکشہ چلانے والوں کو بھی اپنی تصدیق کروانا ہوگی۔ تمام معلومات لکھنؤ پولیس کی ویب سائٹ سے تصدیق کے لیے دی جا رہی ہیں۔ووٹنگ کے دن یعنی 20 مئی کو پولنگ اسٹیشنوں کے ارد گرد کسی بھی قسم کے ہجوم پر پابندی ہو گی۔ پولنگ اسٹیشن سے کچھ فاصلے پر گاڑیاں کھڑی کی جائیں گی۔ شہر میں کچھ محدود راستوں کے علاوہ گاڑیاں چل سکیں گی۔ ووٹنگ کے محفوظ انعقاد کو یقینی بنانے کے لیے لکھنؤ پولیس تمام سرگرمیوں پر نظر رکھے گی۔