تاثیر،۸ مئی ۲۰۲۴:- ایس -ایم- حسن
پٹنہ (بہار)، 8 مئی: وزیر اعظم نریندر مودی 12 مئی کو دارالحکومت پٹنہ میں روڈ شو کریں گے۔ ریاستی بھارتیہ جنتا پارٹی (بی جے پی) نے اس روڈ شو کو شاندار بنانے کے لیے اپنی پوری طاقت لگا دی ہے۔ انتظامیہ نے بھی اس کے لیے تیاریاں شروع کر دی ہیں۔ ملک کی آزادی کے بعد پٹنہ میں کسی وزیر اعظم کا یہ پہلا روڈ شو ہوگا۔ پٹنہ کے لوگ بھی پی ایم مودی کے روڈ شو کو لے کر کافی پرجوش ہیں۔
ریاستی بی جے پی دفتر اور پٹنہ ایس ایس پی آفس کے مطابق وزیر اعظم نریندر مودی پٹنہ میں تین سے چار کلومیٹر طویل روڈ شو کریں گے۔ اس دوران کھلی گاڑی پر سوار وزیراعظم عوام کا مبارکباد قبول کریں گے۔ اس سلسلے میں منگل کو پٹنہ میں بی جے پی کے دفتر میں ایک تنظیمی میٹنگ بھی ہوئی۔
وزیر اعظم کا روڈ شو پٹنہ ہائی کورٹ کے قریب امبیڈکر مجسمہ سے شروع ہوقدم کنواں تک جائے گا۔ تاہم پی ایم او کی سطح سے اس کی منظوری حاصل کرنا باقی ہے۔ انتخابی مہم کے دوران پی ایم مودی نے حال ہی میں جھارکھنڈ کی راجدھانی رانچی میں روڈ شو کیا تھا، لیکن یہاں خاص بات یہ ہے کہ روڈ شو کے بعد پی ایم پٹنہ میں ہی رات آرام کریں گے۔ اگلے دن وہ بہار میں تین عوامی جلسوں سے خطاب کریں گے اور کاغذات نامزدگی داخل کرنے وارانسی جائیں گے۔