تاثیر،۲۴ مئی ۲۰۲۴:- ایس -ایم- حسن
لاہور ، 24 مئی: پاکستان کے صوبہ پنجاب کی حکومت نے روٹی کی نئی قیمت مقرر کر دی ہے۔ حکومت نے اس حوالے سے نوٹیفکیشن جاری کر دیا ہے۔ یہ معلومات پاکستانی چینل اے آر وائی نیوز نے اپنی رپورٹ میں دی ہے۔رپورٹس کے مطابق وزیراعلیٰ پنجاب مریم نواز نے جمعرات کو روٹی (نان) کی قیمت میں کمی کرتے ہوئے پورے صوبے میں اس کی قیمت 14 روپے مقرر کی۔ مریم نواز نے یہ اعلان اپنے ایکس ہینڈل پر کیا۔ انہوں نے کہا کہ ملک بھر میں آٹے کی قیمت میں کمی کا فائدہ عوام کو ملنا چاہیے۔ پنجاب حکومت کے ترجمان نے کہا کہ نان بائی ایسوسی ایشن کی رضامندی کے مطابق روٹی کی نئی قیمت تمام تندوروں پر نمایاں طور پر آویزاں کی جائے گی۔