تاثیر،۲۳ مئی ۲۰۲۴:- ایس -ایم- حسن
رائے پور/ نارائن پور، 23 مئی: چھتیس گڑھ کے نکسل متاثرہ نارائن پور ضلع کی سرحد پر ابوجھماڑ علاقے میں نکسلیوں کے ساتھ بستر جنگجوؤں اور ایس ٹی ایف کے جوانوں کے درمیان تصادم کی خبر ہے۔ موقع پر وقفے وقفے سے فائرنگ جاری ہے۔ نارائن پور کے پولیس سپرنٹنڈنٹ پربھات کمار نے انکاؤنٹر کی تصدیق کی۔پولیس کو اطلاع ملی تھی کہ ابوجھماڑعلاقے کے ریکاوایا علاقے میں بڑے کٹر نکسلائیٹس میٹنگ کر رہے ہیں۔ اطلاع ملتے ہی تینوں اضلاع کے ایک ہزار سے زیادہ فوجی بیجاپور، دنتے واڑہ اور نارائن پور اضلاع کی سرحد پر آپریشن پر نکل پڑے۔
ابوجھماڑ علاقے میں تلاشی مہم کے دوران مشترکہ فورس اور نکسلیوں کے درمیان تصادم ہوا۔ اس مشترکہ ٹیم میں دنتے واڑہ اور بستر کے ڈی آر جی، بستر فائٹرز اور ایس ٹی ایف کے اہلکار شامل ہیں، جو نکسلیوں کو منہ توڑ جواب دے رہے ہیں۔ دونوں طرف سے وقفے وقفے سے فائرنگ کا سلسلہ جاری ہے۔ پولیس کا دعویٰ ہے کہ کچھ نکسلیوں کو گولی مار دی گئی ہے۔ پولیس سپرنٹنڈنٹ پربھات کمار نے کہا ہے کہ فوجیوں کی واپسی کے بعد صورتحال واضح ہو جائے گی۔