سیتا مڑھی (مظفر عالم)
4- شیوہر پارلیمانی حلقہ سے متعلق ریگا اور بیلسنڈ اسمبلی حلقوں میں ووٹنگ پرامن طریقے سے مکمل ہوئی۔ بیلسنڈ میں شام 5 بجے تک 51.8 فیصد لوگوں نے اپنا حق رائے دہی استعمال کیا جبکہ ریگا میں شام 5 بجے تک 55.92 فیصد لوگوں نے جمہوریت کے عظیم تہوار میں اپنی شرکت کو یقینی بنایا۔ کہیں سے کسی ناخوشگوار واقعے کی اطلاع نہیں ملی۔ مجموعی طور پر دونوں اسمبلی حلقوں میں ووٹنگ پرامن رہی۔ دونوں اسمبلی حلقوں کے بالترتیب بیلسنڈ، پرسونی، ریگا، سپی اور بیراگنیا کے پانچ بلاک کے مختلف پولنگ اسٹیشنوں پر لوگوں نے اپنا حق رائے دہی استعمال کیا۔پرامن، منصفانہ اور خوف سے پاک انتخابات کے پیش نظر ضلع مجسٹریٹ رچی پانڈے اور پولیس سپرنٹنڈنٹ منوج کمار تیواری نے بذات خود ریگا اور بیلسنڈ اسمبلی حلقوں کے تمام بلاک کے پولنگ مراکز کا دورہ کیا اور انتخابات کا جائزہ لیا۔ ان کی طرف سے ڈپٹی مجسٹریٹس اور پولیس حکام کو ہدایت دی گئی۔ریگا بلاک کے شہباز پور کے بوتھ نمبر 241 اور 242 پر ووٹ بائیکاٹ کی اطلاع ملتے ہی ڈی ایم اور ایس پی فوراً وہاں پہنچ گئے۔ لوگوں سے بات کی، ڈی ایم اور ایس پی کی اپیل پر لوگوں نے اپنا ووٹ ڈالا اور جمہوریت کے عظیم تہوار میں اپنا حق رائے دہی استعمال کرتے ہوئے شرکت کو یقینی بنایا۔ضلع کے دو اسمبلی حلقہ ریگا 56.89 فیصدی اور بیلسنڈ 55.53 فیصد ووٹنگ ہوئی