تاثیر،۸ مئی ۲۰۲۴:- ایس -ایم- حسن
نئی دہلی، 08 مئی: راجیہ سبھا کے رکن کپل سبل نے وزیر اعظم نریندر مودی کی تقریر کے اس حصے پر اعتراض کیا ہے جس میں لوگوں سے ‘ ووٹ جہاد’ یا ‘رام راجیہ’ میں سے کسی ایک کا انتخاب کرنے کو کہا گیا تھا۔کپل سبل نے وزیر اعظم کے اس بیان پر بھی اعتراض ظاہر کیا ہے جس میں مودی نے کہا کہ 400 کو پار کرنے کی ضرورت ہے تاکہ رام مندر پر دوبارہ بابری تالا نہ لگے۔ کپل سبل نے اس بیان کو انتخابی ضابطہ اخلاق کی خلاف ورزی قرار دیا ہے۔ تاہم سبل نے یہ بھی کہا کہ الیکشن کمیشن مودی کے ان بیانوں پر تالا نہیں لگا سکتا کیونکہ وہ خود بھی مودی کا خاندان ہے۔منگل کو مدھیہ پردیش کے کھرگون ضلع میں ایک ریلی سے خطاب کرتے ہوئے وزیر اعظم نریندر مودی نے اپوزیشن کانگریس کو نشانہ بناتے ہوئے کہا کہ اس کے ارادے بہت خطرناک ہیں اور ‘ووٹ جہاد’ کر رہے ہیں۔ انہوں نے کہا، “ہندوستان تاریخ کے ایک اہم موڑ پر ہے۔ آپ کو فیصلہ کرنا ہے کہ ووٹ جہاد چلے گا یا رام راجیہ۔کپل سبل نے آج (بدھ) میڈیا سے بات کرتے ہوئے اپنا اعتراض ظاہر کرتے ہوئے کہا، “… انہوں نے (پی ایم مودی) یہ بیان دیا کہ یا تو ‘ووٹ جہاد’ کرو یا ‘ رام راجیہ’ کو ووٹ دو۔” کپل سبل نے کہا، ’’یہ کیسا بیان ہے؟ “کیا اس سے آپ کو تمام طبقات اور ذاتوں کی حمایت ملے گی؟” اس کے ساتھ ہی کپل سبل نے وزیر اعظم سے ایسا بیان نہ دینے کی بھی درخواست کی ہے۔