تاثیر،۴ مئی ۲۰۲۴:- ایس -ایم- حسن
نئی دہلی،4 مئی: گوگل نے ہفتہ کو ڈوڈل بنا کر ہندوستان کی پہلی پیشہ ور خاتون ریسلر حمیدہ بانو کو یاد کیا۔ بانو، جو ایک سرکردہ ہندوستانی خاتون پہلوان تھیں، نے 1940 اور 50 کی دہائیوں میں کشتی کی مردوں کے زیر تسلط دنیا میں داخل ہونے کے لیے رکاوٹوں کو عبور کیا۔ ہندوستان کی پہلی پیشہ ور خاتون پہلوان کے طور پر جانی جانے والی، بانو کا شہرت کا سفر قابل ذکر تھا، حالانکہ اس میں دلیرانہ چیلنجز بھی شامل تھے۔
اتر پردیش کے علی گڑھ سے تعلق رکھنے والی حمیدہ بانو ’’علی گڑھ کی ایمیزون‘‘ کے طور پر مشہور ہوئیں اور وہ مقبولیت حاصل کی جس کی ان کے بہت سے مرد ہم منصبوں کی خواہش تھی۔
ممبئی میں 1954 کے مقابلے میں بانو نے مبینہ طور پر روس کی ’’مادہ ریچھ‘‘ کے نام سے مشہور ویرا چسٹیلین کو ایک منٹ سے بھی کم وقت میں شکست دی تھی۔
ان کا وزن 108 کلوگرام (تقریباً) تھا اور ان کی لمبائی 1.6 میٹر تھی۔ انہیں دودھ بہت پسند تھا اور روزانہ 6-5 لیٹر دودھ پیتی تھیں۔ اپنے کیریئر کے دوران انہیں پھلوں کا رس بھی پسند آنے لگا۔ بانو کے کھانے میں بریانی، مٹن، بادام اور مکھن بھی شامل تھا۔
مشہور ہندوستانی رائٹر مہیشور دیال نے 1987 میں شائع ہونے والی ایک کتاب میں حمیدہ بانو کے بارے میں لکھا اور ان کی ریسلنگ کی تکنیکوں کو مرد پہلوانوں کی طرح بتایا ہے۔