تاثیر،۲۸ مئی ۲۰۲۴:- ایس -ایم- حسن
ریاض، 28 مئی:محکمہ امن عامہ نے کہا ہے کہ سعودی عرب میں مقیم غیر ملکیوں کے لیے ضروری ہے کہ اگر وہ کسی کو ویزٹ ویزے پر بلاتے ہیں تو انہیں ویزہ ختم ہونے سے پہلے واپس بھیجنے کا اہتمام کریں۔محکمے نے کہا ہے کہ ’ویزا ختم ہونے کے بعد واپس نہ جانے پر متعلقہ ادارے کو اطلاع کرنا ضروری ہے‘۔محکمے نے کہا ہے کہ ’ایسا نہ کرنے پر وزٹ ویزا جاری کرنے والے پر 50 ہزار ریال جرمانہ اور6 ماہ تک قید کے بعد ملک سے بیدخل کیا جاسکتا ہے‘۔محکمہ امن عامہ نے شہریوں اور مقیم غیر ملکیوں کو ملک میں مقیم غیر قانونی افراد کے بارے میں اطلاع کرنے کی ہدایت کی ہے۔محکمے نے غیر قانونی تارکین کے ساتھ معاملات کرنے سے خبر دار کرتے ہوئے کہا ہے کہ ’غیر قانونی تارکین کو کسی بھی قسم کی سہولت فراہم کرنا یا ان کے ساتھ تعاون کرنا سنگین جرم ہے‘۔