تاثیر۱۱ جون ۲۰۲۴:- ایس -ایم- حسن
نئی دہلی، 11 جون : خواتین اور بچوں کی ترقی کی مرکزی وزیر اناپورنا دیوی نے وزارت کا چارج سنبھال لیا۔ منگل کو ساوتری ٹھاکر نے بھی شاستری بھون میں خواتین اور بچوں کی ترقی کی وزارت میں مرکزی وزیر مملکت کے طور پر چارج سنبھال لیا۔اس موقع پر اناپورنا دیوی نے ٹویٹ کیا اور کہا کہ سیوا یاترا ایک اہم موڑ ہے، ایک نئی شروعات ہے۔ میں وزیر اعظم نریندر مودی کی قیادت میں حکومت ہند کی خواتین اور بچوں کی ترقی کے وزیر کا عہدہ سنبھالتے ہوئے پرجوش اور فخر محسوس کر رہی ہوں۔انہوں نے کہا کہ گزشتہ 10 سالوں میں وزیر اعظم نریندر مودی کی قیادت میں ملک نے خواتین کو بااختیار بنانے اور بچپن کے تحفظ اور فروغ کے ایک یادگار مرحلے کا تجربہ کیا ہے۔ میری کوشش ہوگی کہ وزیراعظم کی خواہش کے مطابق خواتین کی ترقی کے بجائے ملک میں خواتین کی قیادت میں ترقی ہو۔