تاثیر۹ جون ۲۰۲۴:- ایس -ایم- حسن
کانپور، 09 جون:۔ ملک بھر میں انڈین انسٹی ٹیوٹ آف ٹکنالوجی (آئی آئی ٹی) کے لئے منعقدہ امتحان جے ای ای ایڈوانسڈ کے نتائج کا اتوار کو اعلان کیا گیا۔ اس موقع پر آئی آئی ٹی کانپور نے جے ای ای ایڈوانسڈ 2024 کے کامیاب طلباء کو مبارکباد دی اور اپنی ممتاز برائٹ مائنڈز اسکالرشپ کا اعلان کیا۔ اس کے تحت 100 ٹاپرز کو 3 لاکھ روپے کی سالانہ اسکالرشپ دی جائے گی جو کورس کی تکمیل تک جاری رہے گی۔ تاہم یہ اسکالرشپ 2021 میں شروع کی گئی تھی اور اسے مزید جاری رکھنے کا ہفتہ کو اعلان کیا گیا تھا۔
وید لاہوتی نے مشترکہ داخلہ امتحان (جے ای ای) ایڈوانسڈ 2024 میں پہلا رینک حاصل کیا ہے اور خاتون امیدوار دویجا دھرمیش کمار پٹیل نے ساتواں رینک حاصل کیا ہے۔ اس کے ساتھ، مانیا جین کانپور زون سے ٹاپ پرفارمر بن کر ابھری ہیں، جس نے آل انڈیا رینک (اے ا ئی آر) 75 حاصل کیا ہے۔ اس کے علاوہ شبھم نائر (اے آئی آر 131)، گرو چودھا (اے آئی آر 163)، شریستھا گپتا (اے آئی آر 191) اور سدھارتھ اگروال (اے آئی آر 306) نے یہ کامیابی حاصل کی ہے۔ خواتین امیدواروں میں، شریسٹھا گپتا نے خاص طور پر اے آئی آر 191 حاصل کیا ہے۔ اس پر، آئی آئی ٹی کانپور نے تمام کامیاب امیدواروں کو مبارکباد دی اور سب سے اوپر 100 امیدواروں کو اپنی باوقار برائٹ مائنڈز اسکالرشپ کا اعلان کیا۔