تاثیر۱۱ جون ۲۰۲۴:- ایس -ایم- حسن
دونوں بحری افواج مشترکہ طور پر سمندر میں اپنی جنگی صلاحیتوں کو نکھاریں گی۔
نئی دہلی، 11 جون: ہندوستان اور جاپان کی بحریہ کے درمیان یوکوسوکا میں دو طرفہ بحری مشق ‘ جیمیکس’ شروع ہو گئی ہے۔ ہندوستانی بحریہ کا مقامی اسٹیلتھ فریگیٹ آئی این ایس شیوالک مشق میں شرکت کے لیے یوکوسوکا پہنچ گیا ہے۔ جاپانی بحریہ کے کمانڈر وائس ایڈمرل ایتو ہیروشی اور جاپان میں ہندوستانی سفیر سبی جارج نے ہندوستانی جہاز کا پرتپاک استقبال کیا۔مشق میں بندرگاہ اور سمندری دونوں مراحل شامل تھے۔ بندرگاہ کے مرحلے میں پیشہ ورانہ، کھیل اور سماجی تعاملات شامل ہوں گے، جس کے بعد دونوں بحری افواج مشترکہ طور پر سمندر میں اپنی جنگی صلاحیتوں کو نکھاریں گی۔ مشق کے دوران بحری افواج سطحی، ذیلی سطح اور فضائی ڈومینز میں پیچیدہ کثیر الضابطہ آپریشنز کے ذریعے اپنی انٹرآپریبلٹی میں اضافہ کریں گی۔ ہندوستانی بحریہ کی نمائندگی آئی این ایس شیوالک اور جے ایم ایس ڈی ایف کی نمائندگی گائیڈڈ میزائل ڈسٹرائر جے ایس یوگیری کرتی ہے۔ مشترکہ مشق میں دونوں بحری افواج کے مربوط ہیلی کاپٹر بھی حصہ لیں گے۔سالوں کے ساتھ اس کے دائرہ کار اور پیچیدگی میں اضافہ کے ساتھ، ‘جیمیکس’ ایک دوسرے کے بہترین طریقوں سے سیکھنے کا موقع فراہم کرتا ہے۔ باہمی تعاون کو فروغ دینے کے لیے ہندوستانی بحریہ اور جے ایم ایس ڈی ایف کے درمیان آپریشنل تعامل کی سہولت نیز انڈو پیسیفک میں بحری سلامتی کے تئیں اپنے مشترکہ عزم کا اعادہ کرتا ہے۔