تاثیر یکم اگست ۲۰۲۴:- ایس -ایم- حسن
سربجوت سنگھ، روہن بوپنا، شرتھ کمل، مانیکا بترا اور ارجن بابوتا نے انڈیا ہاؤس کا دورہ کیا
پیرس؍ نئی دلی۔ 31 جولائی۔ 2024 ۔ہندوستان نے پیرس اولمپکس میں ابتدائی چند دنوں میں دو تمغے جیت کر شاندار آغاز کیا ہے۔ بھارتی کھلاڑی بڑی تعداد میں ڈی لا ولیٹ پارک میں واقع انڈیا ہاؤس پہنچے جہاں ان کا پرتپاک استقبال کیا گیا۔ انڈیا ہاؤس میں کانسی کا تمغہ جیتنے والے سربجوت سنگھ، روہن بوپنا، شرتھ کمل، مانیکا بترا اور ارجن بابوتا جیسے سرفہرست ہندوستانی کھلاڑیوں کو اعزاز سے نوازا گیا۔
ایتھلیٹس سے گرمجوشی سے ملاقات کرتے ہوئے، آئی او سی کی رکن اور ریلائنس فاؤنڈیشن کی بانی اور چیئرپرسن نیتا ایم امبانی نے کہا، “انڈیا ہاؤس میں آپ کا استقبال ہے، جو اولمپکس میں پہلی بار بنایا گیا ہے۔ ہندوستان کی نمائندگی کرنے والے بہت سے ہندوستانی کھلاڑی آج یہاں موجود ہیں۔ آپ میں سے بہت سے کھلاڑی ہیں۔ سب نے فخر سے ہمارا سر بلند کیا ہے منو بھکر اور سربجوت سنگھ کا خصوصی شکریہ جو آج ہمارے ساتھ ہیں اور ہمیں کھڑے ہو کر انہیں سلام کرنا چاہیے۔
کھلاڑیوں کا ڈھول کی تھاپ کے ساتھ روایتی بھارتی انداز میں ٹیکا لگا کر استقبال کیا گیا۔ نیتا امبانی نے تمام کھلاڑیوں کی کوششوں اور دنیا کے سب سے بڑے کھیلوں کے پلیٹ فارم پر ملک کی نمائندگی کرنے پر ان کا شکریہ ادا کیا۔ اولمپک تحریک کی حمایت کے لیے انڈیا ہاؤس میں ڈیجیٹل مشعل بھی روشن کی گئیؤ