تاثیر۱۷ جولائی ۲۰۲۴:- ایس -ایم- حسن
ممبئی،17 جولائی :بالی ووڈ اداکارہ ریچا چڈھا اور علی فضل جلد والدین بننے والے ہیں۔ اس مہینے ان کے گھر ایک چھوٹا سا رکن آنے والا ہے۔ ریچا اور علی اپنے پہلے بچے کے استقبال کے لیے بہت پرجوش ہیں۔ اب ریچا نے اپنے انسٹاگرام اکاونٹ پر میٹرنٹی شوٹ کی کچھ خوبصورت تصاویر شیئر کی ہیں، تاہم انہوں نے پوسٹ کا کمنٹ سیکشن بند کر رکھا ہے۔ریچا نے علی کے ساتھ میٹرنٹی فوٹو شوٹ کروایا۔ تصویریں ریچا کے بے بی بمپ پر مرکوز ہیں۔ ایک تصویر میں ریچا شوہر علی فضل کی گود میں سوتی ہوئی نظر آرہی ہیں جب کہ علی نے ان کے بے بی بمپ پر ہاتھ رکھا ہوا ہے۔ ان خوبصورت تصاویر کے ساتھ ریچا نے ایک خاص کیپشن بھی لکھا ہے۔ ریچا نے اس پوسٹ کے کمنٹس سیکشن کو بند کرنے کی وجہ بھی کیپشن میں ہی بتائی ہے۔
ریچا نے لکھا،’’ایسی خالص محبت دنیا کو روشنی کی کرنوں کے علاوہ اور کیا دے سکتی ہے؟ اس خوبصورت سفر میں میرا ساتھی بننے کے لیے شکریہ علی ۔ ہم اس دنیا میں ایک ایسا بچہ لانے کی امید کرتے ہیں جو منفی پر قابو پا لے، جس میں رحم اور ہمدردی اور جو سب سے بھرپور پیار کرتا ہو۔تتھاستو!”
اس کے ساتھ ہی رچا نے سنسکرت میں دو لائنیں بھی شیئر کیں۔
آخر میں، اس نے تبصرے کے سیکشن کو بند کرنے کی وجہ بتائی۔ ریچا نے لکھا، ’یہ اب تک میرے ذریعہ پوسٹ کی گئی سب سے پرائیویٹ ،اس لیے کمنٹس سیکشن بند ہے۔خواب کمینٹس بند ہے لیکن، مداح اور مشہور شخصیات ریچا کی پوسٹ پر لائکس کی بارش کر رہے ہیں۔ اس پوسٹ کو دیا مرزا، آیوشمان کھرانہ، نوپور شیکھرے سمیت کئی اداکاروں کے ساتھ ساتھ بڑی تعداد میں مداحوں نے لائک کیا ہے۔
سات سال کی ڈیٹنگ کے بعد کی شادی
علی اور ریچا کی لو اسٹوری کی بات کریں تو دونوں کی پہلی ملاقات فلم ’فکرے‘ کے سیٹ پر ہوئی تھی اور پھر دونوں میں محبت ہوگئی۔ علی اور ریچا نے تقریباً سات سال تک ایک دوسرے کو ڈیٹ کیا۔ ریچا نے کہا تھا کہ انہوں نے اور علی نے اسپیشل میرج ایکٹ کے تحت 2020 میں شادی کی ہے۔ کورونا کے دور میں ہونے والی شادی کے بارے میں کسی کو علم نہیں تھا۔ اس کے بعد انہوں نے 2020 میں دوستوں اور اہل خانہ کی موجودگی میں شادی کر لی۔ اب شادی کے چار سال بعد دونوں والدین بننے والے ہیں۔ وہ اس ماہ اپنے بچے کا استقبال کرنے جا رہے ہیں۔