تاثیر۱۰ جولائی ۲۰۲۴:- ایس -ایم- حسن
میرٹھ، 10 جولائی: بدھ کی صبح شاملی ضلع کے چوسانہ تھانہ علاقے کے سندر نگر گاوں میں بدمعاشوں نے ایک تاجر کے خاندان کو یرغمال بنا کر اس کے گھر میں 10 لاکھ روپے کی ڈکیتی کی۔ اس دوران بدمعاشوں نے تاجر اور اس کے اہل خانہ کو زخمی کر دیا اور نقدی اور زیورات لوٹ کر فرار ہو گئے۔ پولیس بدمعاشوں کی تلاش میں مصروف ہے۔
شاملی ضلع کے چوسانہ تھانہ علاقے کے بدولی مارگ پر واقع سندر نگر گاوں میں تاجر بلو اپنے خاندان کے ساتھ رہتا ہے۔ بدھ کی صبح پانچ بدمعاش ان کے گھر میں داخل ہوئے۔ ان بدمعاشوں نے تاجر، اس کے ماموں دھرم پال، بیٹے اجے، بھتیجے جانی اور خاندان کے دیگر افراد کو بندوق کی نوک پر یرغمال بنالیا اور 2.5 لاکھ روپے نقد اور زیورات لوٹ لئے۔ تاجر نے احتجاج کیا تو اسے پستول کے بٹ سے زخمی کر دیا گیا۔ بدمعاشوں نے گھر والوں کی پٹائی بھی کی۔ اس کے بعد بدمعاش فرار ہوگئے۔
گھر والوں نے کسی طرح خود کو کھول کر آزاد کرایا اور پولیس کو واقعہ کی اطلاع دی۔ اطلاع پر ایس پی ابھیشیک جھا، سی او کیرانہ امردیپ موریہ پولیس فورس کے ساتھ موقع پر پہنچ گئے۔ ایس او جی اور سرویلنس ٹیمیں بھی موقع پر پہنچ گئیں اور تفتیش کی۔ ایس پی ابھیشیک جھا کے مطابق پولیس معاملے کی جانچ کر رہی ہے۔ شرپسندوں کو پکڑنے کے لیے چار ٹیمیں تعینات کر دی گئی ہیں۔ واقعے کا جلد پتہ چل جائے گا۔