وٹیلیگو عالمی دن موقع پر نارائن نرسنگ کالج طلباء نے کیا بیداری پروگرام کا انعقاد

          سہسرام ( انجم ایڈوکیٹ ) وٹیلگو کے عالمی دن کے موقع پر گوپال نارائن سنگھ یونیورسٹی جموہار کے تحت چلنے والے نارائن نرسنگ کالج کے طلباء نے ایک عوامی بیداری پروگرام کا انعقاد کیا اور لوگوں میں معلومات فراہم کیں ۔ پروگرام کے دوران طلباء نے لوگوں میں کتابچے تقسیم کئے اور ان کی طرف سے پوسٹر پریزنٹیشن کے ذریعے لوگوں میں وٹیلگو سے متعلق غلط فہمیوں کو دور کرنے کی کوشش کی گئی ۔ اس موقع پر طلباء نے لوگوں کو بتایا کہ وٹیلگو کوئی متعدی بیماری نہیں ہے اور یہ ایک دوسرے کو چھونے، ان کے ساتھ بیٹھنے یا ان کے ساتھ رہنے سے نہیں پھیلتا، یہ مکمل طور پر جلد کی بیماری ہے جو کہ وبائی مرض ہے ۔ اسکا مناسب علاج ہے، یہ مکمل طور پر کنٹرول کیا جا سکتا ہے ۔ پروگرام میں پوسٹر پیش کرنے والے طلباء کو انعامات سے بھی نوازا گیا، جسکے مطابق محترمہ سمی کماری جی این ایم دوم سال کی طالبہ نے پہلا انعام حاصل کیا جبکہ دوسرا مقام امرت راج B.Sc نرسنگ 4th Sem کو دیا گیا ۔ اسی طرح تیسرا انعام محترمہ انامیکا کماری، بی ایس سی نرسنگ چوتھے سمسٹر اور محترمہ آدرشنی پانڈے جی این ایم دوسرے سال کی طالبہ کو دیا گیا ۔  پروفیسر ڈاکٹر پی پوناراسی چیرمین شعبہ میڈیکل سرجیکل نرسنگ نارائن نرسنگ کالج نے پروگرام کو منظم کیا اور اس موقع پر جیتنے والوں کو یادگاری نشانات اور اسناد سے بھی نوازا گیا ۔ نرسنگ ٹیوٹرس تیج پال سنگھ، وپلاو ڈنڈا، شیوانشو کمار، وکرانت کمار نے اس موقع پر طلباء کی رہنمائی کی، ساتھ ہی ساتھ نارائن میڈیکل کالج نے مریضوں اور ان کی دیکھ بھال کرنے والوں میں وٹیلگو اور اس کے انتظام کے بارے میں بیداری پیدا کرنے کے طریقے کے طور پر پروگرام کو او پی ڈی میں پیش کیا ۔ اس پروگرام کی نظامت اسسٹنٹ پروفیسر سجن پٹیل اور چائلڈ ہیلتھ کیئر نرسنگ کی اسسٹنٹ پروفیسر محترمہ سریتا دیوی نے کی ۔