تاثیر۲۵ جولائی ۲۰۲۴:- ایس -ایم- حسن
ہاپوڑ، 25 جولائی:ضلع کے دیہی علاقے کوتوالی میں ایک گھر میں گھس کر مسلح افراد کے قاتلانہ حملے کا معاملہ سامنے آیا ہے۔ بدمعاشوں کی جانب سے غیر قانونی اسلحے سے کئی راونڈ فائرنگ کے واقعے کا نوٹس لیتے ہوئے پولیس نے ملزمان کے خلاف مقدمہ درج کرلیا ہے۔ پولیس کی ٹیمیں ملزمان کی تلاش میں مصروف ہیں۔
پولیس سپرنٹنڈنٹ گیاننجے سنگھ نے بتایا کہ ہاپوڑ دیہات کوتوالی علاقے کے گاوں شیام پور میں رہنے والے رام نریش نے بتایا کہ بدھ کی رات اس علاقے کے دبنگ ابھیشیک عرف سینکی اور رویندر ان کے گھر آئے۔ انہوں نے دونوں کو گالیاں دیتے ہوئے غیر قانونی ہتھیاروں سے فائرنگ شروع کر دی۔ اس حملے میں غنڈوں کی طرف سے چلائی گئی گولیاں گھر کے باہر کھڑی کار کو لگیں۔ گھر پر کی گئی فائرنگ میں دیوار پر کارتوس ٹکرانے سے اس کی جان بچ گئی۔ حملے کے بعد ملزمان فرار ہو گئے۔ متاثرہ کے مطابق اس واقعے کے بعد گھر والے خوفزدہ ہیں۔ اس معاملے میں متاثرہ نے تھانے میں شکایت درج کرائی۔
ایس پی نے بتایا کہ پولیس نے موقع پر پہنچ کر معاملے کی جانچ کی اور متاثرہ کی شکایت پر مقدمہ درج کر لیا۔ ابتدائی تحقیقات میں یہ بات سامنے آرہی ہے کہ حملہ زمین کے تنازعہ کی وجہ سے دہشت پھیلانے کی نیت سے کیا گیا۔ ملزمان کی تلاش کے لیے پولیس ٹیمیں تعینات کر دی گئی ہیں۔