تاثیر۲۵ جولائی ۲۰۲۴:- ایس -ایم- حسن۔
لکھنؤ، 25 جولائی: لوک سبھا انتخابات کے بعد اتر پردیش کے وزیر اعلی یوگی آدتیہ ناتھ بدلے ہوئے تیور میں نظر آ رہے ہیں۔ وزیر اعلیٰ نے ریاست میں ملازمتوں کے لیے میٹنگیں کی ہیں۔ اس کے نتیجے میں ہی یوپی پولیس کانسٹیبل بھرتی امتحان کی تاریخوں کا اعلان کر دیا گیا ہے۔
اتر پردیش پولیس ریکروٹمنٹ اینڈ پروموشن بورڈ کی طرف سے جاری کردہ ریلیز کے مطابق، یوپی پولیس کانسٹیبل بھرتی کے امتحانات 23، 24، 25، 30 اور 31 اگست کو ہوں گے۔ یوپی پولیس میں کانسٹیبل کے عہدوں پر 60 ہزار 244 امیدواروں کو بھرتی کیا جائے گا۔ اتر پردیش پولیس ریکروٹمنٹ اینڈ پروموشن بورڈ نے اس براہ راست بھرتی کے تحریری امتحان کے لیے اپنی تیاریاں شروع کر دی ہیں۔
اب تک کی تیاریوں کے مطابق کانسٹیبل بھرتی کا امتحان دو سیشنوں میں منعقد کیا جائے گا۔ 23 اگست سے 25 اگست تک مسلسل امتحانات کے بعد شری کرشن جنم اشٹمی کی وجہ سے چار دن کا وقفہ دیا جا رہا ہے۔ اس کے بعد 30 اور 31 اگست کو دوبارہ امتحان لیا جائے گا۔