تاثیر۲۱ جولائی ۲۰۲۴:- ایس -ایم- حسن
کیف، 21 جولائی:یوکرین کی سابق رکن پارلیمنٹ 60 سالہ ایرینا فیرین کو نامعلوم حملہ آور نے گولی مار کر ہلاک کر دیا۔ ارینا یوکرینی زبان کو فروغ دینے کی اپنی مہم کے لیے جانی جاتی ہیں۔سابق رکن پارلیمنٹ ارینا فیرین جمعہ کو مغربی شہر لویف میں حملے میں شدید زخمی ہو گئی تھیں، اسپتال میں علاج کے دوران ان کی موت ہوگئی۔ یوکرائنی حکام نے بتایا کہ حملہ آور کی تلاش فی الحال جاری ہے۔ حملہ آور موقع سے فرار ہو گیا تھا۔ انہوں نے کہا کہ معاملے کی جانچ کی جا رہی ہے۔یوکرین کے صدر ولادیمیر زیلنسکی نے ہفتے کے روز اپنے سرکاری ٹیلیگرام چینل پر کہا، ’’تمام دستیاب نگرانی کیمروں کی جانچ کی جا رہی ہے اور گواہوں سے پوچھ گچھ کی جا رہی ہے اور متعدد اضلاع کا سروے کیا جا رہا ہے۔‘‘فیرین 2012 سے 2014 تک یوکرائنی پارلیمنٹ کی رکن رہیں اور وہ ان مہمات کے لیے مشہور ہیں جن کی وجہ سے وہ روسی بولنے والے یوکرینی حکام کے ذریعے یوکرینی زبان کے استعمال کو فروغ دیتی تھیں۔