تاثیر ۳۱ اگست ۲۰۲۴:- ایس -ایم- حسن
نئی دہلی، 31 اگست:
سینٹرل مائیکرو،ا سمال اینڈ میڈیم انٹرپرائزز (ایم ایس ایم ای) کے وزیر جیتن رام مانجھی نے ہفتہ کو یہاں کھادی اور دیہی صنعت کمیشن (کے وی آئی سی) سیکٹر کی کارکردگی اور کھادی مہوتسو 2024 کی تیاریوں کا جائزہ لیا۔ انہوں نے ملک میں کھادی کی وسیع پیمانے پر تشہیر اور اسے وسیع پیمانے پر اپنانے کے ذریعے اس شعبے میں کوششیں کرنے کی ضرورت پر زور دیا۔ کھادی اور گاؤں کی صنعت (کے وی آئی) سیکٹر کا مظاہرہ اور کھادی مہوتسو 2024 اکتوبر-2024 میں وزارت کے ذریعے منعقد کیا جائے گا۔ اس جائزہ میٹنگ میں انہوں نے لوگوں کو کھادی کو اپنانے اور دیہی علاقوں میں روزگار پیدا کرنے میں تعاون کرنے کی ترغیب دینے کے لیے مرکزی حکومت کی طرف سے چلائی جا رہی اسکیموں کے نفاذ کے بارے میں بتایا۔ وزارت کے مطابق اس میٹنگ کا اہتمام ملک میں کھادی کو فروغ دینے کے مقصد سے کیا گیا تھا۔ اس جائزہ میٹنگ میں مائیکرو، اسمال اینڈ میڈیم انٹرپرائزز کی مرکزی وزیر مملکت شوبھا کرندلاجے اور کھادی اور دیہی صنعت کمیشن کے چیئرمین منوج کمار، مائیکرو، اسمال اینڈ میڈیم انٹرپرائزز کی وزارت کے سکریٹری، مائیکرو،ا سمال اینڈ میڈیم انٹرپرائزز کی وزارت کے جوائنٹ سکریٹری ، کے وی آئی سی کے سی ای او، اور مائیکرو، سمال اینڈ میڈیم انٹرپرائزز اور کھادی اور دیہی صنعت کمیشن کے دیگر افسران بھی موجود تھے۔