تاثیر ۱۳ اگست ۲۰۲۴:- ایس -ایم- حسن
نئی دہلی، 13 اگست: یوم آزادی کی تقریبات میں شرکت کے لئے لوگوں کی سہولت کے لیے، دہلی میٹرو صبح 4:00 بجے تمام ٹرمینل اسٹیشنوں سے اپنی تمام لائنوں پر اپنی خدمات شروع کرے گی۔ دہلی میٹرو ریل کارپوریشن (ڈی ایم آر سی) کے ترجمان انوج دیال کے مطابق، صبح 6 بجے تک تمام لائنوں پر 15 منٹ کی فریکوئنسی پر ٹرین خدمات دستیاب ہوں گی اور اس کے بعد باقی دن کے لئے باقاعدہ ٹائم ٹیبل پر عمل کیا جائے گا۔ یوم آزادی پر، تقریب میں شرکت کے لیے وزارت دفاع کی طرف سے جاری کردہ دعوت نامہ رکھنے والے افراد کو اسٹیشنوں پر درست سرکاری تصویری شناختی کارڈ کی تیاری پر داخلے اور سفر کی اجازت ہوگی۔ یہ انتظام صرف لال قلعہ، جامع مسجد اور چاندنی چوک میٹرو اسٹیشنوں پر باہر نکلنے کے لئے درست ہوگا، جوکہ تقریب کے مقام کے قریب ہیں۔ دعوت نامے بھی ان تینوں اسٹیشنوں سے واپسی کے سفر کے لیے درست ہوں گے۔ مسافروں کو ان انتظامات سے آگاہ کرنے کے لئے میٹرو ٹرینوں کے اندر باقاعدہ اعلانات کئے جائیں گے۔