تاثیر ۱۴ اگست ۲۰۲۴:- ایس -ایم- حسن
احمد آباد، 14 اگست: بدھ کی صبح گاندھی نگر کے سیکٹر 30 کے قریب سابرمتی ندی میں دشا ماں کی مورتی کے وسرجن کے دوران ڈوبنے سے تین لوگوں کی موت ہوگئی۔ بتایا جاتا ہے کہ ایک لڑکی جو مورتی کو وسرجن کر رہی تھی گہرے پانی میں چلی گئی۔ اسے بچانے کے لیے چار دیگر لوگ بھی کود پڑے۔ بہت گہرائی کی وجہ سے سب ڈوبنے لگے۔ کسی طرح دو لوگ بچ گئے۔ اس حادثے میں نوعمر پونم پرجاپتی، بھارتی بین پرجاپتی اور اجے بنجارا (امرائیواڈی) کی موت ہو گئی۔