تاثیر ۲۳ ستمبر ۲۰۲۴:- ایس -ایم- حسن
رانچی، 23 ستمبر: جھارکھنڈ ہائی کورٹ نے اسمبلی تقرری بے ضابطگیوں کے معاملے میں دائر پی آئی ایل پر پیر کو اپنا فیصلہ سنایا ہے۔ عدالت نے اس کیس کو سی بی آئی کے حوالے کرنے کا حکم دیا ہے۔ عدالت نے اپنے حکم میں کہا کہ یہ معاملہ سی بی آئی کو سونپنے کے لیے مناسب ہے، اس سے قبل عدالت نے تمام فریقین کی سماعت مکمل ہونے کے بعد 20 جون کو کیسوں میں اپنا فیصلہ محفوظ کر لیا تھا۔
درخواست گزار نے عدالت کی توجہ اس معاملے میں حلف نامہ کے ذریعے ریاستی حکومت کی طرف سے دائر جسٹس وکرمادتیہ پرساد کی رپورٹ کے کئی نکات کی طرف مبذول کرائی تھی۔ ایڈوکیٹ جنرل راجیو رنجن نے عدالت کو بتایا تھا کہ جسٹس وکرمادتیہ پرساد کی رپورٹ کو قانونی رپورٹ نہیں سمجھا جائے گا۔ رپورٹ حکومت کو پیش کی جانی چاہئے تھی لیکن یہ براہ راست گورنر کو دی گئی۔