تاثیر ۷ ستمبر ۲۰۲۴:- ایس -ایم- حسن
نئی دہلی، 7 ستمبر:پیرس پیرالمپکس میں ریکارڈ ساز کارکردگی کا مظاہرہ کرنے کے بعد وطن واپسی پر ہندوستانی پیرا اولمپک ایتھلیٹس کا دہلی کے اندرا گاندھی بین الاقوامی ہوائی اڈے پر شاندار استقبال کیا گیا۔
ہفتہ کی صبح ہندوستانی دستہ کا نصف پیرس پیرالمپکس میں حصہ لینے کے بعد وطن واپس لوٹ گیا۔ دہلی پہنچنے والوں میں اونی لیکھرا، مونا اگروال، پرنو سورما، راکیش کمار اور منیش نروال شامل ہیں۔ شائقین کی بڑی تعداد دہلی کے باہر جمع ہوئی اور پھولوں کی پتیاں نچھاور کرکے پیرا ایتھلیٹس کا استقبال کیا۔ ہندوستانی دستے میں شامل دیگر کھلاڑی پیرا ملٹی سپورٹس ایونٹ کے اختتام کے بعد واپس لوٹیں گے۔ بھارت کی اسٹار پیرا شوٹر اونی لیکھرا نے کہا کہ پیرس پیرا اولمپکس میں یہ ایک بہترین سفر رہا۔
ہندوستانی پیرا شوٹر مونا اگروال نے کہا کہ ان کا پیرا اولمپک سفر بہت اچھا رہا۔ انہوں نے کہا کہ یہ میرا پہلا پیرا اولمپکس تھا اور میں بہت اچھا محسوس کر رہی ہوں۔