تاثیر 19 اکتوبر ۲۰۲۴:- ایس -ایم- حسن
پونے ، 19 اکتوبر: مہاراشٹر پردیش کانگریس کمیٹی کے نائب صدر موہن جوشی نے ہفتہ کو نریندر مودی حکومت کے ریلوے ٹکٹوں کی بکنگ کی مدت کو 120 دن سے گھٹا کر 60 دن کرنے کے فیصلے پر سخت تنقید کی۔ یہاں اس معاملے پر بات کرتے ہوئے، انہوں نے کہا کہ یہ فیصلہ عام لوگوں کے مفاد میں نہیں، بلکہ ایجنٹوں اور حکومت کے فائدے کے لیے لیا گیا ہے۔ایک پریس ریلیز میں انہوں نے بتایا کہ اس سے قبل عام لوگ ٹرین کے ٹکٹ 120 دن پہلے بک کرواتے تھے تاکہ وہ اس کے مطابق اپنے طویل سفر کی منصوبہ بندی کر سکیں اور اس پر انہیں رعایت بھی ملتی تھی۔جوشی نے کہا کہ اب ریلوے کے وزیر اشونی ویشنو نے بکنگ کی مدت کو اچانک 120 دن سے گھٹا کر 60 دن کر دیا ہے، جس سے عام لوگوں کو تکلیف ہو رہی ہے۔