تاثیر 28 اکتوبر ۲۰۲۴:- ایس -ایم- حسن
چھترپور، 28 اکتوبر: جھانسی نیشنل ہائی وے پر باگیشور دھام کے قریب اتوار کی دیر رات ایک خوفناک سڑک حادثہ پیش آیا۔ یہاں ٹرک کا ٹائر پھٹنے کے بعد بے قابو ہو کر مسافر بس سے ٹکرا گیا۔ ٹرک اور بس میں تصادم کے باعث بس کھائی میں گر گئی۔ حادثے میں ایک طالب علم کی موت ہو گئی، جب کہ 20 سے زائد مسافر زخمی ہوئے، جنہیں علاج کے لیے قریبی اسپتال میں داخل کرایا گیا۔ تین مسافروں کی حالت نازک ہونے کی وجہ سے انہیں گوالیار ریفر کر دیا گیا ہے۔ واقعہ کی اطلاع ملتے ہی کھجوراہو ایس ڈی او پی سمیت پولیس کی بھاری نفری موقع پر پہنچ گئی۔ گاؤں والوں اور پولیس کی مدد سے مسافروں کو کسی طرح بس سے باہر نکالا گیا۔ اس کے بعد بس کو کرین مشین سے سیدھا کیا گیا، معلومات کے مطابق یہ حادثہ اتوار کی رات تقریباً ایک بجے پیش آیا۔ ریوا سے گوالیار جا رہی سندھیا ٹریول کی بس نمبر ایم پی 35 پی 0273 کو ضلع ہیڈکوارٹر سے 24 کلومیٹر دور باگیشور دھام تیراہا کے مقام پر ایک ڈمپر نے شدید ٹکر کے بعد بس کھائی میں الٹ گئی۔