تاثیر 23 اکتوبر ۲۰۲۴:- ایس -ایم- حسن
نئی دہلی، 23 اکتوبر: اڈیشہ اور مغربی بنگال کے ساحلوں پر سمندری طوفان دانا کی آمد سے قبل انڈین ایئر فورس اور انڈین کوسٹ گارڈ (آئی سی جی) ہائی الرٹ پر ہیں۔ فضائیہ نے آج صبح دو طیاروں کے ذریعے این ڈی آر ایف ٹیموں کو امدادی سامان کے ساتھ بھٹنڈہ اور پڈوچیری سے اڈیشہ پہنچایا ہے۔ اسی طرح، کوسٹ گارڈ نے اپنے بحری جہازوں اور ہوائی جہازوں کو سمندر میں کسی بھی ہنگامی صورت حال کا فوری جواب دینے کے لیے حکمت عملی کے ساتھ تعینات کیا ہے۔ طوفان کے 24-25 اکتوبر کو مغربی بنگال اور اڈیشہ کے ساحلوں سے ٹکرانے کا امکان ہے، اس لیے سمندر میں جان و مال کی حفاظت کے لیے کئی حفاظتی اقدامات نافذ کیے گئے ہیں۔