تاثیر 29 اکتوبر ۲۰۲۴:- ایس -ایم- حسن
جے پور، 29 اکتوبر: لکشمن گڑھ کے علاقے میں ایک بس پل کی دیوار سے ٹکرانے سے بس میں سوار پانچ افراد کی موت ہو گئی اور 36 سے زائد زخمی ہو گئے۔ زخمیوں کو علاج کے لئے لکشمن گڑھ اور سیکر کے اسپتالوں میں لے جایا گیا ہے۔ اطلاع ملتے ہی اعلیٰ افسران اور پولیس موقع پر پہنچ گئی۔ بتایا گیا کہ منگل کی دوپہر تقریباً 2 بجے سالاسر سے لکشمن گڑھ کی طرف آرہی ایک پرائیویٹ بس لکشمن گڑھ میں کلورٹ کے قریب پل سے ٹکرا گئی۔ عینی شاہدین کے مطابق پل کی دیوار سے ٹکرانے کے بعد بس کا ڈرائیورکی سائڈ ک پورا حصہ بکھر گیا۔ ٹکر کے بعد بس میں افراتفری مچ گئی۔ اس کے بعد لوگوں کی بھیڑ جمع ہو گئی اور ایک ایک کر کے سبھی کو بس سے نکال کر قریبی لکشمن گڑھ کے سرکاری ہسپتال لے جایا گیا۔