تاثیر ۴ اکتوبر ۲۰۲۴:- ایس -ایم- حسن
مرزاپور، 04 اکتوبر:اتر پردیش کے مرزا پور میں ایک بڑا سڑک حادثہ پیش آیا ہے۔ کاچھوا تھانہ علاقہ کے کٹکا پاڑو کے قریب ٹرک اور ٹریکٹر کے درمیان تصادم میں 10 مزدوروں کی موت ہو گئی۔ تین افراد زخمی ہوئے ہیں۔ زخمیوں کو وارانسی کے ٹراما سینٹر میں علاج کے لیے داخل کرایا گیا ہے۔ تمام مزدور وارانسی کے رہنے والے تھے۔میڈیا رپورٹس کے مطابق حادثے کے وقت ٹریکٹر ٹرالی میں 13 کے قریب مزدور سوار تھے۔ تمام مزدور اورائی کے تیواری گاؤں سے کاسٹ کر کے وارانسی واپس جا رہے تھے۔ یہ حادثہ رات 12.30 بجے کے قریب پیش آیا۔ حادثے کی اطلاع ملتے ہی اعلیٰ حکام موقع پر پہنچ گئے اور امدادی کام شروع کر دیا۔ سڑک حادثے کے بعد مشتعل دیہاتیوں نے وارانسی- پریاگ راج ہائی وے کو بلاک کر دیا۔ عینی شاہدین نے بتایا کہ تیز رفتار ٹرک نے پہلے موٹر سائیکل کو ٹکر ماری۔ اس کے بعد ٹرک کنٹرول کھو بیٹھا اور ٹریکٹر ٹرالی سے ٹکرا گیا۔ حادثے کے بعد ٹرالی اچھل کر نالے میں جاگری۔ ا