تاثیر 29 اکتوبر ۲۰۲۴:- ایس -ایم- حسن
مشرقی چمپارن ، 29 اکتوبر:پولیس سپرنٹنڈنٹ (ایس پی) سوارن پربھات کی ہدایت پر سائبر ڈی ایس پی کی قیادت میں ٹاون تھانہ پولیس کے ذریعہ باپودھام ریلوے اسٹیشن پر تعینات آر پی ایف انسپکٹر پنکج گپتا کے گھر پر چھاپہ ماری کے دوران کثیر مقدار میں مختلف برانڈ کے غیر ملکی شراب وار نقد برآمد کیا۔ چھاپہ ماری کے دوران پولیس نے مختلف برانڈ کی 22 بوتلیں 16 لیٹر غیر ملکی شراب اور 94 ہزار روپے نقدی بھی برآمد کی ہے۔پولیس کے مطابق چھاپہ ماری ٹیم کے پہنچنے سے پہلے ہی انسپکٹر گپتا موقع سے فرار ہو گیا اور اس کی گرفتاری کے لیے چھاپہ ماری کی جا رہی ہے۔موتیہاری کے ایس پی سوارن پربھات نے بتایا کہ پولیس نے برآمد شدہ شراب اور نقدی ضبط کر لی ہے اور معاملے کی جانچ شروع کر دی ہے۔ انہوں نے کہا کہ انسپکٹر گپتا کے خلاف ضروری کارروائی کی جائے گی۔