تاثیر 29 اکتوبر ۲۰۲۴:- ایس -ایم- حسن
کولمبو، 29 اکتوبر: کابینہ کے ترجمان وزیر وجیتا ہیراتھ نے آج سری لنکا میں صدارتی انتخابات کے بعد نئی کرنسی چھاپنے کے بارے میں عوامی بحث پر صحافیوں کو وضاحت دی۔ انہوں نے کہا ہے کہ نہ تو حکومت نے کرنسی چھاپی ہے۔ اور نہ ہی غیر ملکی اداروں سے کوئی قرضہ لیا ہے۔ سری لنکا کے اخبار ڈیلی مرر کے مطابق، نئی حکومت کے پیسے چھاپنے کی خبروں کی تردید کرتے ہوئے، کابینہ کے ترجمان وزیر وجیتھا ہیراتھ نے آج کابینہ کے فیصلوں کا اعلان کرنے کے لیے ہفتہ وار بریفنگ کا انعقاد کیا۔ انہوں نے کہا کہ اگر نوٹ چھاپے گئے تھے تو صدر انورا کمارا دسانائیکے کو بطور وزیر خزانہ ان پر دستخط کرنے چاہئے تھے۔ صدر کے دستخط شدہ ایسے کوئی نوٹ جاری نہیں کیے گئے ہیں۔